لاوالله الا سرهد الوقـت سِرهـاد=والظل طال وناش روس الذوايب
والهاجس اللي له مع الهم ميعاد=يابعد هوماته على غيـر ثايـب
مدري متى يبلغ مباليغ الارشـاد=ويميّز اني صرت فالعمر شايـب
ماغير يشعبني وسـرداد مـرداد=لامدركٍ حاجـه ولاهـوب تايـب
يفز فز الحـر مـن كـف هـداد=لاطالعت عينـي لميـع الترايـب
يسرح ويضوي لي بعلات وانكاد=ياطير ابن برمان ويش انت جايب
سلام يازمة نحر بعض الأجسـاد=وسلام ياليـلٍ عليـه امتسايـب
متنسـل الغـره وقافيـه متهـاد=والنور حدر الليل ماهوب غايـب
وسلام ياثغرٍ بـه الجمـر وقـاد=جمر الغضا اللي لاعبته الهبايـب
يَميز عن رتـلٍ قريبـات وبعـاد=اللي وراهن ذحذح السـم رايـب
وسلام ياجسـمٍ معـزل ومنقـاد=متبعثـرٍ ملمـوم شـيٍ عجايـب
مربـربٍ رويـان ليّـن وميّـاد=متثاقلٍ ممشـاه جَسـرٍ وهايـب
اذا بـدا خـلاّ معاليقـي ابــداد=واذا انتحى خلاّ عظامي حطايـب
خوفن من الله ياغضيضات الأنهاد=لاتذبحن قلـبٍ رهيـفٍ وذايـب
عيت تحصنـه التمائـم والأوراد=واستغفر الله وانتن اصل السبايب
خلنه ابفاله وروحـنّ مـن غـاد=مدام وصل البيض حض وهايـب
اللي مضى فالعمر ماهوب منعـاد=واللي بقى ماهوب حِمل المصايب
2009, 06:33 PM
لاوالله الاسرهد الوقت سرهاد 
العرض العادي
المواضيع المتشابهه 
