- هذه القصيدة رثاء لحاره العقيلية واهلها بعد ما تم طمس اسم الحى من خارطه عنيزة الحديثه ومعروف ان حاره العقيلية من اشهر واقدم الحارات بعنيزة ..
ابارث حى بعنيزة وانا من عرض سكانه
طمس من خارطتها وما عرف بالفعل ماضيها
لها تاريخ له بصمه بصدت كل عدوانه
عقيليه عنيزة يا بو فيصل* كيف ناسيها
انا الومك والوم اللى تسبب حول نسيانه
وتاريخه فلا ينسى ولو زيلت مبانيها
قديمه وانشد ام قبور* عن حاله وعن شانه
وسكانه طحاطيح الرجال اللى نشو فيها
لو انه يوم هدوها بقى معلم البنيانه
ولكن كل غلطه يبو فيصل من يداويها
يداويها ابو فيصل ويحى ماضي ازمانه
لها تاريخ ما ينسى من اولها وتاليها
وتاريخه مع اجدادك قويه حيل سيسانه
عقيليه عقيليه الا نادى مناديها
وهى ثالث ثلاث احياء لها تاريخ يشهد له
انا نفسى قبل غيرى على ذكراه ولهانه
اشوفه بالخريطه مثل غيره يعتنى فيها
* ابو فيصل محافظ عنيزة المهندس مساعد السليم .
* ام القبور مزرعه موجوده بالعقيليه حتى الان .
2009, 04:28 PM
حاره العقيلية 
العرض العادي
