انا وابوفيصل ولا يهون الاصحاب=لنا في كل تربيعة طاري مخلّد
وان كانه العنقاوي مسوّي كتاب=حنّا نألّف خمسمية مجلّد
نوزّعه مجاناً لكل مرتاب=حتّى تعلّم من قرى به .. وقلّد
تحسّ لعبه مثلي ماهو بكذّاب=لو فرق ما بين الاصل والمقلّد!
وان جاب له كبّوت قالوا له وش جاب؟=هذا لعب عبدالعزيز المولّد
خذينا ميداليّة الفوز بحساب=وغيرنا حتّى الخشب ما تقلّد
واللي يقابلنا يبي يعود منصاب=تلقى شعوره بالخساير تبلّد
واللي يشجّعنا من سنين ما خاب=تلقى شعوره بالحرافه تجلّد
ومن لعبنا كم واحدٍ يمسك الباب=تمنّى يلعب غيرنا لا تولّد
وان كان ودّك تنهزم بين الاصحاب=قابل علي وعبدالعزيز المولّد
خمسمية مجلّد
العرض العادي
