الغير في جدة بكثر الطماله ..!

يا سيدي يا كثر منتم تسوون=من فتح كليات وإلا مجامع
لكن إلى جينا نسجل يقولون=إن كان مالك واسطة لا تراجع!

نفخر منوّل لا عقبنا الحدودي=حيثن لنا بالناس قدرٍ كبيري
واليوم من يفخر بقولة سعودي=لا شاف شغل المالكي والعسيري!

من قال جده غير ماهوب كذاب=الغير في جده بكثر الطماله
دايم زبايلهم تكوّم على الباب=من كثرها ما قِدْمِك إلا زباله
متجنّس ٍ ثلثٍ وثلثينٍ أجناب=وصارت ـ على ماشفت ـ مجْمَع حثاله!
ما تحترم شايب ولا تحترم شاب=مثل الدبش كلٍّ مفلِّي لحاله
ولا شفت به شرطه ولا شفت نواب=خطرٍ على الرجّال ينهب حلاله
شوارعه كله مطبات وتراب=وكبارِيَه دايم عليها صقاله
واِسْواقةٍ مهما تحسّب له احساب=قطع الإشاره عندهم بالسهاله
ولا لقيت أحدٍ يعلّم بالأسباب=مادام كل اللي لقيته عماله
مصري وبنقالي وهندي وبنجاب=اوكسرة أفغاني بوسط البقاله
مير الرجا في من ترجاه ما خاب=رب السما والأرض جلَّ جلاله
يبعد عنه من كان خاين ونصاب=واللي بقلبه حقد يوضع بداله
عقبه تبي تلقى ثنا مدح وإعجاب=والكل يفخر به إلى جا مجاله