الصدر مشحون والأجواء مشحونه= مدري من اي إتجاه اتجيني الضربه
ما باقيٍ متّسع بالصدر وركونه = من كثر ما تنقل الدنيا وتنثربه
مَنْ لي بخلٍ يحفض السر ويصونه =ما هوب الى صد عني قام يهذربه
خلٍ يودك وتقرا الصدق بعيونه = يكفيك همّ العذر لو ما تعذربه
ما غيّر الوقت لاشكله ولا لونه= خلٍ تماريبه الدنيا وتفخربه
افضي له اللي على بالي ومضمونه= ويخفف الضيق والإحساس بالغربه
شعورك انك بلا معنى وكينونه=اقسى شعورٍ على الإنسان يشعربه
في موطنٍ ماستطيب العيش من دونه=لوان الأقدام تمشي فيه مضطربه
في مسقط الراس لوّ النفس مفتونه = ما عادت التربه الأولى هي التربه
معبّس الوجه تقل يمص ليمونه=ومعقدٍ بالحجاج ومعلنٍ حربه
تِغِير الوقت سنة كون مسنونه=كم يسند افواج فيه وكم يحدربه
لو يرعوي لي بصدق ونفس ممنونه=ياليت شعري ، وانا اولى فيه واجدربه
ياكثر ماشفت من سره ومن بونه = من يسلك الدرب شاف اللي على دربه
الله ياكم حاجةٍ بالنفس مدفونه = والحق ممنوع تصدع به وتجهربه
ادير الافكار والافكار مجنونه = واللي على البال يابعده وياقربه
2010, 04:04 PM
الصدر مشحون والأجواء مشحونه 
العرض العادي
المواضيع المتشابهه 
