قائمة الجوال

 
التسجيل 

قم بالتسجيل الان فى المنتدى

 
البحث المتقدم  

البحث فى المنتدى

 
التعليمات 

اطلع على تعليمات المنتدى

 
مشاركات اليوم 

المشاركات االجديدة فى المنتدى

 
اتصل بنا 

ساهم فى تطوير المنتدى

مرحبا بك

أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.


العودة   شعراء عنيزة > شعراء راحلون > عبدالمحسن ناصر الصالح


عبدالمحسن ناصر الصالح

العودة شعراء عنيزة > شعراء راحلون > عبدالمحسن ناصر الصالح تحديث الصفحة الديك


إضافة رد
 
LinkBack أدوات الموضوع انواع عرض الموضوع
قديم 2013, 11:31 AM   [1]
 





 






لي ديك زينٍ توقيته=يوعِّي النايم تصويته
لولا طيبه ماشريته=بريال وقرش الـدلالي
لكن ممدوح لي طيبه=ترتيب الساعه ترتيبه
لولا اذانه ويش ابي بُه=ماني بسـن الجِـــهَّالي
اذانه بالحيل كويس=يذّن على اذان الريس
وانا اجزم ماني باقْيّس=نهارخيصٍ بريالي
ما اكبر حظك ياللي حاشه =ينام امريحٍ بفراشه
لو ما مليت الخرَّاشه=يواعِّيك اذان التالي
يعجب من شافه بنقوشه =والغلبه فوقه منقوشه
والنصبه كبر الطربوشه=الرجل بحجر السروالي
عُرفه افرق ما هو بالدم=لكنه مصـــبوغٍ بالـــدم
يصدم بالهوش ولا يصدم=من ناظر هوشه يهتالي
عجين الحنطه ماكوله=مع ما حصل من محصوله
الحكي كثره وشوله=ياكل مع بنتي وعيالي
من غليْه عندي عززته=باربع فرخاتن جوزته
كني سلطانٍ من حزته= القصد انه عندي غالي
اثر الجيران احسدوني=على ديكي زين اللوني
قالو نرسل له بزّوني=وزفٍ باالدرب وختالي
واناياغافل لك الله=مدري بخيانة خلق الله
ما هوجس به قلبي والله=آآمن ولا هي في بالي
اثر الدنيا عابيتٍ له=تبرْم للديك وتفــتل له
ماهي للديك آآويتٍ له=ماهـو بأول ولا تالي
يوم الله دبر ما كان=صـــيِّف ديكي بالاذان
قحص مربوش وعجلان=قلبه من ضيفه يجتالي
بيّن راسه هو وحنوكه= وإيلين الفرجه مفكوكه
على افم الكيس متكوكه=بفم البزوون الخـيالي
واصهل با اذنه مايدري=ان الحقه حطت خبري
وافقع ظاروبه بالخبري=والا انه من راسه خالي
بلمناره اول صـوته= والتالي في بطن الحوته
توحي في بطنه زغروته=يلوي بالغـــــبه ويلالي
راس الريس صار اضحوكه=عليه البس اقفل بوكـه
ما فكه طوعه وانسوكه=من سيف القوم القتالي
حدا زوجاته حسَّت به=لكن موته مادريت به
قالت ياختي زوجك وش به=يرقص كنه فيه هبالي
ولا الريس يقضي فرضه= لا والله طاح الرجالي
جت يمه قالت لاباس=وراك نِيمٍ بالســـــــاس
ياخواتي ماله راس=وين ارويسه واعزالي
صاحت منذا فنه فنه=واعقلهن قالت غـطنه
وأدعن للميت بالجنه=عمر الشمس و فَيَّه زالي
انا قاعد عند ادلالي=واليا حس إصياح اعيالي
واقحص واصبخ بالفنجالي=عجلن مذعورٍ مهـــــتالي
وانا مدري ويش القصه=ضنيت السارق بالجصه
ثبْت ثبْت ياصياح=جاك مبندق يارمْاح
ترا نصف الحرب افراح=اخشى من شيٍٍ بعيالي
يوم اني قربت اللجه=قلت انبوني ويش الهرجه
قلت اعيالي وش مبليهم=اللي فيهم ملا فيهم
قالوا هود لا توذيهم= تزيد الويل بولوالي
بسٍ غال الديك الغدوه=مزع راسه بأول عدوه
قلت انه لعيالي فدوه=وسليْم هو راس المالي
وناديت سليِّم ومنيره=وشرطت لهم على نيره
قلت الديك ابشري غيره=هذاي موصٍ يشرا لي
وأقفو من عندي مرضيهم=والشرط الجيد بيديهم
لولا ان المولى هاديهم=ماارضاهم شرطي واقوالي
عسا الخاسي تعرفونه =هو بزونٍ او بزونه
وش كبر الهر وشلونه=نبي في ذبحه نحتالي
قالو بالبياض امحجل=جب راسه لـ سليم عجل
تلقاه بطايتنا يهجل=اسرع من راع الخيالي
قال سليم يا باباه=شب البندق في علباه
دام السرقه في مخباه=تشهد عن لوم العذالي
عبيت البندق من حيني=قلت ان جاء صيرو صاحيني
واثره بالصفه يوحيني=من صــبحه فـــــــيها نزالي
يوم اني هجيت البابي=كشر بـ أنيابه حـــــــــرابي
واخشْ البندق بثيابي=لين الدومي صار اقــــبالي
بالثاري ياديك سليم= تســــــرق وتقابل يا دغـيم
طخيته والياه امخييم= شـروا ســــن الدلو البالي
لو انه راع اللجيره=كان أحسنا معــــه السيره
لكنه شعبث بالديره=بأول هـــــده دمه ســـالي
تمت واختام المربوعي=صلاة الله كل اســــبوعي
على اللي دينه متبوعي=ماناض البرق الهمــالي


توقيع روح التميمي
تكلم حتى أراك ..!
رد مع اقتباس

إضافة رد

مواقع النشر (المفضلة)

الكلمات الدلالية (Tags)
امدحك


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
ايه امدحك ياسر التميمي الشاعروالاعلامي: عدنان الدخيل 0 2007 11:56 PM

الساعة الآن 03:30 AM
   
 
الساعة الآن 03:30 AM
Powered by vBulletin™ Version 4.1.9 Copyright © 2014 vBulletin Solutions, Inc. All rights reserved. Search Engine Friendly URLs by vBSEO 3.6.0
Des By YsOrI
الحقوق محفوظه لشعراء عنيزة 2004-2014