رد: اوسم يالذيب عندك
هلا والله ابو عزيز
ياطيبك الا ماطيبك ياحمد لولاك كبريت ===== أسمع بها وسمع بذكرك وانا نفسي بريه ماشوف شين يزعل الشيخ لا والله مخطيت ===== مير انا بعض الناس وده يلبسني قضيه |
رد: اوسم يالذيب عندك
صح بدنك ياذيبنا مكينتك ياذيب ماها بدا يدخل على الزيت=ومطوفاة اوراقها في مرور الداخليه ما الله قابل سجدةٍ منك ياللي ماتوضيت=لو نغتفر ليك سيةٍ زدتها تسعين سيه |
رد: اوسم يالذيب عندك
هلابك والله ياصاهود تحكم عليه وانت ما اخذت من اعلوم واعطيت=لاواهني (إياس)في حِكْمته لا واهنيه ما شفت نبت الروضه اللي نزلت إبها وفليت=الريح جتها وكنستها وصارت جرهديه |
رد: اوسم يالذيب عندك
صح لسانك..هههه
على حسب رايك وانا مثل مامديت مديت=منته بسباح البحر فالليال الخرمسيه انا ليا قلت الك سكر نباته قلت حلتيت=الشك طبعً مايفارق حمد صبح وعشيه |
رد: اوسم يالذيب عندك
صح بدنك يالذيب الأمعط الضاهر انك ما تواصل بعد ما اخفقت وازريت=لو انها تجذبك للأرض نسبة جاذبيه مامداك تفرح بالليالي وتوك ما تهنيت=الجو فوقك عاصفٍ والهبوب إمصافقيه |
رد: اوسم يالذيب عندك
صح لسانك وترا كله مزوح
والله لااواصل واشرف الظلع وادوس العفاريت=مالد عيني من رها بام سالم والحديه لوكان ماخذ ثانيه معك لكني تجريت=لكن سامحني جرا ماجرا غصبً عليه |
رد: اوسم يالذيب عندك
صح بدنك انقول لك ماجور لكن كم مره تهقويت=ولا لقيت امن الليالي واهلها قابليه مرمطت فيك الأرض يالين خليتك فتافيت=وسيمتي في صابرك بينه ماهي خفيه |
رد: اوسم يالذيب عندك
صح لسانك
الاانت وش سويت قلي بعد بشويش غنيت=اشوف لك جمهور من مكسيكو لسكندريه اانا على روس الشياطين بسم الله سميت=وسيمتك عانه بعلباك كيه فوق كيه |
رد: اوسم يالذيب عندك
خثعت باللي تحفره وحسب انك عنه نطيت= ضحكتني والضحك مقيولتن شر البليه عندك زهابٍ مير تبي الحقيقه ماتقضيت = تارك توقد ليف ماتنفعك يوم الشويه |
رد: اوسم يالذيب عندك
صح السانك ياذيبنا مابك عمى عن شوفة اصبيح لكنك تعاميت=واصبيح ثابت ما نحنى للرياح الموسميه والناس مختلفه بالانظار وارياها مفاخيت =كلٍ على رغبته يمشي وِِِيِنْحِي له نحيه |
| الساعة الآن 10:24 PM |
Powered by vBulletin V3.8.11. Copyright ©2000 - 2026, Tranz By
YsOrI
اصحاب عرب
الحقوق محفوظة لشعراء عنيزة 2004-2026
سياسة الخصوصية وحذف الحساب