مساكم الله بالخير

ياسلامي عليكم يارجال الحميه=من هاجوسن لها بالطيب سلم ومبادي
والله اني على الميدان سقت المطيه=ياهل الملعبه تكفون وين ابن بادي

مرحبا ياهلا ترحيب نفسٍ رضيه=من فصيح اللسان ومن نظيف الفوادي
لا تواجدت تلفن يارفيقي عليه=رنةٍ ما تضر الجيب والرزق بادي

عشت ياللي على الميقاف رجله جريه=ترثة امروية بالكون بيض الهنادي
ابشر اما يجي لك صبح والا عشيه= ميرابا انشد بعد ذعذع نسيم البرادي

عشت ولا عليكم زود ياهل الوفيه=يابيض الوجه ما يلحق جبينك سوادي
ان نشدتوا فانا باتم عيشه هنيه=ما يكلف على الرجلين مشي القصادي

ريس البيت الابيض له ثلاثين نيه=قام ايجامل عرب على حساب المهادي
والله انه وصلني بالاذا والاذيه=قام ياطا السريح امن اللعانه عنادي

يحسب ان خطته في جوتانامو خفيه=مادرى ان مقصده مكشوف والرشد غادي
الأوادم تعرف العلم ماهي غبيه=لو يحشد الجموع ولو يصيح وينادي

انت منته لحالك في ملف القضيه= اخذ من العلوم امبرهنه والوكادي
مير واشيب عيني ملكوه البنيه=بنت من زينها تسوى جميع البلادي

ما لحقني من الأيام ضيم ورزيه=احمد الله واشكر فضل رب العبادي
وش عليه لو ان ابليس ركب اردعيه=ما يثور عظام اشعيل مص القرادي

قاله و نفسه امن الوقت ماهي صريه=سالفه بثها ومفصله كل رادي
ياحمد تقل مابه هضبه الا طميه= تقل مالك جواد وتقل مالك جوادي

مادري من هواه او هو موصى وصيه=والسوالف ليا برقت كثر الجرادي
مانت قادر تداوي شوف عينٍ عميه=من يضل الولي ماله من الناس هادي