علي بن رشيد الخياط !! وباريس نجد ..
السلام عليكم ورحمة الله وبركاته قال البطل الشاعر:علي بن رشيد الخيّـاط (راعي البندق) يفتخر بأهل عنيزة ورجالها , سنة 1270هـ (وهذه هي الرواية الصحيحة للقصيدة) يـادارنـا لاتـرهبي يومـك سِـعِـيـد * حـنا حماة الــداراوشـبّ اشعالـها هـذي عـنـيـزه مـانبيعَه بالزهيد * لافــرّعنّ البيض نـحـمي جالـها دونك أو دون الغين مخضرّ الجـريد * نروي من الضد الحريب سلالها ياما ذبحــنا دون غضّات تـمـيد * جــنايـز تـرمـي ولاحــد شـالـهـا ياشيخ ياللي مانشا مــثـلك ولــيـد * لارفّعنّ الـخـيـل شِـهـب اذيـالـها لوجبت عـنَّـاز او شـمـر والرشـيد * اونجدٍ جمـيـعه دِقـهـا واجلالها جِبتـه او خليته كما حلقة حــديـد * شرق اوجنوب اوغربها أوشمالها الدار دونه لابةٍ تحـمـي الـطريد * صعب على كل الـعـدا مـنـالـها كم سـابق يـوم اللقا جـريَـه يـزيـد * عاداتنا ضربه او ضرب امـثـالها تاطـا حديد أو فوق راكبها حـديد * توطِّـته مــركـوبـتـه بــانـعــالـهـا عينت وين الجرو تكفى لاتحيـد * قل لـي تعشَّـته الضرا واعْـيـالـها لي بندق ترمي اللحم لو هو بـعـيد * ماوقِّـفت بالسوق مـع دلالــهــا خْـماسي رصاصه ستة أشبار تزيد * ملح الجريف امْحيَّـلٍ يعـبالـها ربعي هل الطولات والباس الشديد * خـطـرٍ عزايمها تـهـدّ اجـبـالـها أولاد علي هم عمى عـيـن الضديد * عقالهـا يــوم الوغـى جـهـالهـا ونْ كان تبغى الحكم فالراي السديد * إدحم على الديره اوحَـضِّـب جالـهـا ------------------------- فعارضه شاعر بقوله: جـيــنـاك يالخـياط يـاعـفن العبيد * ياللي تـقـول الدار نـحـمي جــالـهـا وين أنت عن قطع النخل يوم الوقيد * يوم العوارض شحّـموا جمارها ------------------------- فأجابه الخياط في آخر بيتين في القصيدة: قطع النخل ماهوب عيب والوقيد * العيب بـاللي مايـتم اقوالـها والله يجازي كــل جـبـار عـنـيد * منا ومنكم يوم عرض اعمالها ------------------------- ياليت كل الناس مثل الخياط يكون مخلص لديرته حتى ولو كان مثل ماقال الأمير ( جيناك يالخياط ياعفن ... إلخ ) , لكن بعض الناس ماتهمه ديرته اللي هي مسقط راسه . والسلام ،، |
خوش مشاركـــه يعطيكـ ألف عـــــافية اخوي |
الله يعافيتس أختي
ومشكورة على هالرد الحلو !! تحياتي .. |
لوجبت عـنَّـاز او شـمـر والرشـيد * اونجدٍ جمـيـعه دِقـهـا واجلالها
يعطيك ربي الف عافيه,,, |
الله يعافيك
ومشكور على مرورك |
الاخ سلامة .... تحية طيبة واقدر لك هذه المشاركة والى الامام ياعزيزي ....
الف شكر |
طارق مشكووور على المرور والكلام الطيب ..
|
ونعم والله بعنيزة وهلها
اهل الكرم والطيب والشجاعة والله يعطيك العافية على هذه المشاركة الطيبه |
ماعليك زود والله يسلمك
وأشكرك على مرورك ... |
عشت يالسمسار . . الله يعطيك العافية ويرحم الشاعر , و :
ربعي هل الطولات والباس الشديد . . . خطر عزايمها تهد جبالها |
مشكوووور التميمي على مرورك ..
لكن وش قصدك بالدعوة بالرحمة على : ربعي هل الطولات والباس الشديد .. خطر عزايمها تهد اجبالها ------------------------- إن كانك تقصد إن أهل الطولات والباس الشديد ماتوا .. تراهم حيين للحين .. ------------------------- ------------------------- وأشكرك مررره ثانيه على التعليق .. تحياتي .. السمسار |
لا لالا. . لا تروح بعيد . . ياخوي السمسار , ترى ما جا على بالي هالتفسير الذكي . أنا كان قصدي أفتخر بهم واعتزي . وما ألومك الخطا خطاي بدال ما أحط نقطة قبل الواو حطيت فاصلة , وصرت تحسب إن اللي بعد الواو معطوف على اللي قبلها . معليش ما دريت إنه يبي يطلع لي ذهين مثلك بسم الله عنك !!
|
امتدادا للموضوع . . قال الشاعر محمد العبدالله بن حسن هاك الحين يوم هو صغير :
قـالوا عنـيزة قـلت يا حبنا له . . . يـا حبـنا لـلـي تسـمـى عنـيـزة أنا أفتخر به كل ما جا مجاله . . . حيثه على نفسي وقلبي عزيزة وقال آخر (وأرجو ممن يعرفه أن يذكره لنا مشكورا) , وهي أبيات تم تداولها بكثرة في رسائل الجوال خلال السنتين الماضيتين : ســلام يا دار الشعر والأحاسيس . . . دار لـها بالشـوق والطيب مرسى سـلام يا دار الرجال السـناعـيس . . . الطرف فيها طمـن البـال وأمسى أحلى مديـنـة حسب كل المقايـيس . . . ومن قـال بعنيزة عذاريب يخسى لا يـا عنيزة كـذب منتـيب باريـس . . . باريس أصلا هي عنيزة فـرنسا! . . وطبعا مثل ما تلاحظون القصيدة هي البيت الأخير ولذلك قال أحد المتبصرين بالأدب : ثق ثقة تامة أن البيت الأخير قيل أولا ثم ركبت عليه الأبيات الثلاثة الأولى ! قلت : ممكن جدا . وقال آخر : من أبرز مظاهر إبداع البيت الأخير أنه جعل قفلة الشطرين (باريس ـ فرنسا) . أما القصائد النبطية التي قيلت في عنيزة فكثيرة جدا وأشهرها على الإطلاق قصيدة شاعر نجد الكبير محمد العبدالله القاضي التي مطلعها : لعــل بــراق حقــوق خيــاله . . . محن مــرن مــرجهــن وهمــال ومنها قصائد أبو ماجد : هـذي عنيزة لا تحسبــه سـوالــيف . . . عمى بعين اللي يـذكر ولا شيــف رجالهم بالواجب أشطر من السيف . . . هم منوتي هم عزوتي راس مالي وقصيدة الآخر الذي لايحضرني اسمه : قطع جــوزك مع الفيزة . . . . . . . . . . . . الــزين ـتلفــاه بعنيــــــزة . . . ما هو جمال الامركــية . . . إلخ |
تشكر على تعليقك .. وتشكر أيضاً على مجهودك الرائع ..
|
لا تعليق اترك لبعض الناس |
| الساعة الآن 11:43 PM |
Powered by vBulletin V3.8.11. Copyright ©2000 - 2025, Tranz By
YsOrI
اصحاب عرب
الحقوق محفوظة لشعراء عنيزة 2004-2024