أتحداكم وخصوصا الرادار ..!
وهذا لغز من قريحة التميمي كالعادة يعني مهوب منقول , وهو موجه مني للجميع وخاصة أبوالألغاز رادار المنتدى عطاشا , واتحداه يحله , وإن حله ترى جائزته مهيب عشا مثل جائزة خوينا الجديد البعير المتبودر قصدي الغزال الملثم .. الجائزة سيارة .. نعم سيارة , وتراي سامح لك تستعين حتى بخوياك الجن دمعة وربعكم من الشلة الماسونية .. استلم :
أنشدك عن شي(ن) طويل(ن) ويبلص=متلاصقه رجليه وعيونه كبار غدّار في حال(ن) وفي حال مخلص=بالصبح خواّف(ن) وبالليل جبار |
جاري البحث <<<<<<<<<<<<<<<<<<
|
سهل واعرفه بس علمن وشي السياره سانهي تستاهل ولا مهوب لازم !
الصرح الشامخ لا تنسفه طرطعانة ..! انفجرت من الضحك ونا اقراه ههههههههههههههههههههههههههههههههههههههههههههه ههه الله يستر منك يالتميمي شكلك سياسي !!! |
والله يالتميمي خذ هالرمعه >>>>>(نور الشارع) اللي هو عمود الكهرب .....
ولاتكتب السياره بأسمي ترى علي مخالفااات !!!!! >>>>>>>>>>واثق |
سيارة الجهاز به به بطاريات إنرجايزر ولا بدون ؟ :83:
لأن رمعة طارق جازت لي صراحه .. والسيارة مناصفه بيني وبينه ... إسبوعٍ يلعّب به .. وإسلوب ألعب به أنا وماعليك من عطشطش ماعنده سنع |
خذ هالرمعتين يالتميمي 000 شكل اللغز معقد
عيون القطط 00 او السراب |
والله ياعطاشا اثرك ذكي ........تحل الغازززز !!!!!
|
وش صااار ياناس وين التميمي يعطين حل الربع هو صح ولا لا """
علشان مانفكر ونعصر المخ "" |
معليش ياجماعة سامحونا سفهتكم تسم يوم لأني نسيت إني حاطٍ لكم لغز هنا .. والله عذر أقبح من فعل !!
قريت حلولكم ورمعات قلوبكم !! قصدي رمعات أفكاركم , وكلها ما هيب يم سنع , وإن كان حل طارق دوخني الحقيقة , لأنه يصلح .. عندي لكم راي حاولوا تشغلون هالدمامل اللي بين كتوفكم زين وتبون تلقون الحل ..! |
اقتباس:
أما التوقيع .. فليش خليته وخليتني معه سياسي !! هذا معنى شامل والسياسة جزء صغير جدا من شؤون الحياة ! السياسي هو المنتمي لحزب قصدي شلة مثل الماسونية !! تحياتي لك وللجميع |
سهم الشمال
|
المثلث
|
اقتباس:
ما عليش يا مديرنا العام .. اسمح لنا طال عمرك , متى نلقى مثل هالفرصة نتتريق فيها عليك مادامك عطيتنا مقاضيبك ..! حياك الله ياطويل العمر , ومرورك والله العظيم شرفني وشرف موضوعي , أما اللغز فما لك لوا مهوب سهم الشمال ! وليتك تتكرم وتقول لنا وشو سهم الشمال لأني بصراحة ما أدري وشو ! تقبل تحياتي |
اقتباس:
|
اقتباس:
والله انه عقدني حتى اني استعنت بصديق واصدقاء ومافيه فايده بس المحاولا ت جاريه |
ماتعرف سهم الشمال الي بالسماء !
وش مقاضيبه الله يهديك يعني الواحد الى رمع صار مقضوب ! انا احاول مثلي مثل عطاشا الله يطول بعمره |
اقتباس:
تقبل تحياتي وكل عام وأنت بخير . |
اقتباس:
|
يا ألله .. تسيف أنا أنسى يا ناس !! معليش ياشباب مشكلتي إني ملتزم بالكتابة في عدة منتديات وأنسى موقع حبنا هذا دايم .. معليش امسحوها بشنبي هالمرة !!
قبل أحل لكم اللغز اللي طلع عيونكم ودي أقول لكم قصة , وهي إني مرة كنت مسيّر المغرب على ناس باستراحة ومادريت إلا وصوت رسالة بالجوال , وأفتح وإلاه من بنت أخوي , وبنت أخوي هذي شايفةٍ بي شوفة عنده إني مثل الأمراء أعرف لكل شي !! المهم فتحت الرسالة وإلى فيها لغز أكيد مر عليكم هذاك اللي يقول : ياكل الحجر ومدري ويش ومدري ويش ! المهم إنه لغز دوخ أمة محمد .. يوم شفته وحللته عرفت إنه مهوب يم سالفة يعني ما له حل ! وكتبت لي تحت : أرجو إرسال الحل فورا ! المهم قمت أنا وكتبت هاللغز اللي تحديت به حبيبي الرادار عطاشا والجميع , وقلت له : (تدرون .. اصبروا شوي بس تكفون أببعد وأمسك الباب !) قلت له : حل لغزك هو نفسه حل هاللغز !! يعني مهوب شي !! هه هه هه بس تدرون .. والله العظيم وباسمه الكريم إنه أرسلت لي عقب شوي تقول حل لغزك ( عمود الكهرب ) !! مثل ما قال طارق بالضبط !! الكلام هذا له أكثر من سنة ونص ! ولو أثري منب سهل !! إذا .. لغزنا هذا ياجماعة الربع مهوب شي وتعيشون وتاكلون غيره !! هه هه هه هه هه كني أشوفكم وخصوصا المدير العام تضرسون علي وودكم توطونن برجليكم ..! بس معليش أنا حبيبكم ورفيقكم التميمي , وأكيد دمعة يبي يفزع لي لأني دخيل الله ثم دخيله .. وودي أقول لأي واحد منكم يملك صلاحيات التعديل والظاهر إن كلكم تملكون هالصلاحيات : ليتك تغير معرفي من ( التميمي) إلى (روح التميمي) , لأن هذا الأخير أكتب به بعدة منتديات وأهمها مجلس عنيزة , والأول أتنازل به لابن آخينا (التميمي ـ sa) .. مع جزيل الشكر والتقدير ولكم تحياتي |
الله يرجك يالأديب الألمعي وهذي اخرة اللغز ماله حل ماكنش العشم
لكن بسيطة نشوف لك حل |
النور
|
الاشاره
|
اقتباس:
يقول لك ماله حل وانت مازلت ترمع |
ههههههههههههه
|
يا عطاشا لاصار ماله حل ندورلك
ويش رايك بملقاط الجمر يصلح والا لا هههههههههههههههه |
| الساعة الآن 01:22 AM |
Powered by vBulletin V3.8.11. Copyright ©2000 - 2025, Tranz By
YsOrI
اصحاب عرب
الحقوق محفوظة لشعراء عنيزة 2004-2024