أكتب قصيدة وحدد حرف يبدأ به مَنْ بعدك !!
 

بسم الله الرحمن الرحيم

أخواني ( أخواتي ) الأعزاء , أعضاء منتدى الفنان الكبير : حمد ناصر الطيار ..

من فوائد المنتديات أشياء كثيرة لا يسعني ذكرها ..

ومنها المتعة ومعرفة مامدى شطارة وذكاء وعلم من تتعامل معهم أو تزاملهم ..

ومن ضمنها ما تتمتعون به من ذوق رفيع في الشعر فهو يشمل :

العاشق الحزين المهموم المسرور المنتصر المهزوم وهلم جرا

طبعا ليس تحيز أو عنصرية للرجال

أخواتنا أعضاء المنتدى من النساء أضيفن الهاء المربوط’ وذلك للاختصار

الفكر’ العامة :

1- أن يقول أول مشارك بيتا من الشعر أو خاطرة .
2- صاحب بيت الشعر هو من يحدد الحرف الذي يبدأ به من بعده ببيت القصيدة .
3- يرجى عدم التحيز لشاعر محدد وذلك لكي نطلع على عدد أكبر من الشعراء .

أتمنى أن يحوز الموضوع على رضاكم ..

طبعًا سوف أبدأ أنا بها :

رفعت عند الناس لجل الهوى صيتك
خلدت يالمغمور ذكرك بالألحاني
كم غاليٍ ضحيت برضاهـ وأرضيتك
سهرت لك ترتاح في نومك الهاني
ومنين مالقيت وجهي تمنيتك
أحسبك مثلي في غيابي تمناني
أنا أحمد الله بان عيبك وخليتك
وطيت حبك بالقدم قبل ياطاني

من غناء الفنان : سلامه العبدالله .. من كلمات الأمير : سعود بن بندر .

والحرف .. ( ب ) ..

على كيفك انت اللي تبدأ ليه مايصير العين هو اللي يبدأ لأنه اكبر منك

مافيه احترام للكبير هاه

من الفية ابن عمار

البا بليت بحب خلي على ماش 000 ولا حصل لي منه مايبرد الجاش

غديت انا واياه طاسه ومنقاش 000 بالوصف كني يالمعزي سلامات

حرررررررررررررررررررررررف الشين(ش)

عطاشا والله انت تختار بيت عن الف بيت ....

(ش)

شهرين يا علام أنا منه محروم..........مابه خبر جاني ولابه درايا
بالعون إن هذا مقدر ومقسوم...........كنه يفارقني ويرجع معايا

حرف الطاء (ط)

طوينا صفحة الماضي وطي الشوق يطويـــــنا
عسى ما تعود يالغالي لياليك وليالـــــــــــــــينا
ليال ذقنا فيها المرّ من صدك وهـــــــــــجرانك
وأيام قريب الوصل مير القلب جافيـــــــــــــــنا
حبيب الروح دنيانا مع الايـــــــــــــــــام دواره
وترانا نقدر النسيان الا نسيو غواليــــــــــــــنا

محمد العثيم (( الكبير مهب الصغير )) :)

حرف ( م ) ..

محدن درى باللي قضى العمر محتار ******* يامن يداوي دامت الروح حيه

خلوا حبيب الروح ياقف على الدار ******* خلوه يومي لو بكفه تحيه

قلبي صويب الحب مانيب صبار ******* ومهدد بالموت صبح وعشيه

ماطاعني قلبي على كثر الأشوار *******ينقاد يمه تقل ماهوب ليه


حرف الكاااااااااااااااااااااااااف (ك)

كل ما قلت ابسلى عن هوا كل غالي "=" ساقني سايق العاشق بحنوة عصاته
ودي اسلى وانا ماني عن الحب سالي "=" لو هوى اليوم مره زايدٍ عن حلاته
ياهل الحب ماللحب دور ومجالي "=" مابقي للهوى ناس تميز صفاته

حرف ( ر )

عطاشا .. شويبٍ وش حليلك .. مبسوط على السمسار والعين يعني !!

ذولي تراهم كبر عيالك



راح الكلام الزين ياكامل الزين ** ولابقي غير الزعل .. والتحدي

للشاعر حمد إبراهيم

حرف الياء

يعين الله يا دنيا تسوق أفراحها أحزان
يعين الله وأنا مثل قفلٍ ضاع مفتاحه
يعين الله جروحي لها في كل يومٍ شان
كذوب اللي يقول إن الزمان يداوي جراحه

حرف العين

علـى عــــنــــيـــــزة مـولــع ا لقـــلب لاصــــــاح
لاحـــــــدن يــــلومـــــه يـــاعـــــرب لافعــــــلها
مــــن ضــــافها يـــــوم ومـــــن عقـــــــبـــها راح
فـــــرقاه لـــــو ليـــــــله فــــلا يحــــــــتـــــــملها
دار الكــــرامــــه والمـــــــعزه والاربــــــــــــــاح
في رمــــلها وجبـــــــالــــــها مــــع ســهــلــــــــها
نــبـــــت الـــمراجل بــــه وهـــبات الاريـــــــــاح
لـلــــضيـــــف والـمـحــــتاج وا للــــي نزلـــــــها
مــن يوم يــولد لــــين قــــصــــــــــاف الارواح
وا لــــرجل يــصعـــــد للمـــــــــراجــــــــل جبلها
حــيث الـــمراجل صــعبه لبـــــــعض الاشبـــــاح
تـقــضـــي حيــــــــاتــه مــــــرة مـــــــاعمــــلــها
وا لــــمرجــله طـــــبع صعـــــيب وذبـــــــــــــاح
تــذ بـــــــح ردي طـــول عمــــــره جهـــــــــــلها


هذي قصيدة للشاعر (( عبدالرحمن حمد العقيلي ))

الحرف ( هـ )

أخوي هاني أنا أقول حرف ( هـ ) وأنت تكتب بحرف ثاني ..

أرجوا إنك تعدلها ..