وين ابن بادي حمد شاعر الفيحا الوحيد=ودنا نسبح معـه بالمحيـط الاطلسـي
والسوالف بيننا عبر صنـدوق البريـد=ملبسك يابوعزيز وانـا مـن ملبسـي

مرحبا بالذيب والذيب له بـاسٍ شديـد=ماحلا مسراه حدر الظـلام الغطلسـي
هاتها ياصافي الذهن والـراي السديـد=وانت في مجلسك جالس ونا في مجلسي

عشت ياترثة عقيدٍ خذا الفعل المجيد=والمحالـه بيننـا بالرشـا ماتمرسـي
رحت طابه يوم واحد ومريت الصعيد=شفت شوفه كدرت خاطـري ماتنسـي

صح بدنك طال عمرك
انا اللي لي الشرف باالعب معك انا شفت ردك مع الاخوان هنا والله رد شاعر متمكن وبحر ولا يهون صاهد بس ياليت اذا ما عليك احراج اتشرف بمعرفتك ومعرفة اخوي صاهد والله لي الشرف العظيم بمعرفتكما
اما من ناحية تواجدي في المنتدي مع الأسف ليس لي وقت محدد ..حسب التساهيل
ولا تنسي طلبي
وتقبل خالص حبي وتقديري

بارك الله فيـك ياللـي تفيـد وتستفيـد=شايفٍ جرة مخابـط يديـن الأشوسـي
من يعيش يشوف والمعرفه هل من مزيد=كم نهار انشوف نوره وليـلٍ عسعسـي

صح لسانك . وبالنسبه لطلبك ابشر انشاءالله عن قريب. وتشرفنا..وش خليت ولد المرحوم

السوالف بينه من قريب ومن بعيـد=خصصوا له حلقتين ابقناة الام بي سي
كل ماقلت انتهت حركوها من جديد=شفت دخان السفن بالخليج الفارسي

كل ما جيت أنشب الموت بحبال الوريد=أذكر الله فوق راس اللعين ويخنسـي
رغبـةٍ بالستـر والله ستـار العبيـد=ما بغيت اكشف رزايا لعين المترسـي

ياحمد للجامعـه والمناهـج لـو نعيـد=لاجل بنتٍ هي نفسك وحياتك ونفسي
مايضيع الطيب والله على خلقه شهيـد=وش يهمك لو شفت العسوس اتعسسـي

تقصد اللي قد طحنا بها حب الحصيد؟=مابها الا حب كسره وحبٍ مسوسـي
والله اني منك محتار مدري وش تريد=مايرد لبنك الافلاس غيـر المفلسـي

اذكر الله ياحمد وادحر ابليـس المريـد=بشتك اللي تلبسه لوغـدا وش تكتسـي
ودك ان الرجل يصبح على الشدات حيد=واثقل امن الحيد لو المحاله تضرسـي

انت وش صالحك في علم عمرو وعلم زيد=والله اني من كلامـك بديـت اوسوسـي
يوم اشوفك تبحث العلـم وتعيـد وتزيـد=لا تصير بلحن الأجواد قمت تهجرسـي ؟

صالحي للمجتمـع والسعـاده للسعيـد=لاتوسوس ياحمـد لـد لـي لاتنعسـي
ياحمد ماجيت ادور وراء المظهور صيد=مير اظنك تمشي امع الدروب امعاكسي

صح بدنك

كنت اضن اول وهالحين صار العلم اكيد=والله ان ماقط خيٌب ضنونـي هاجسـي
بانت الصوره وصار البصر فيها حديـد=يالقريب المتقـي يالبعيـد المرمسـي

الضديد اللي يبا الضد يلقى له ضديـد=لاتطاوع هرج ناسٍ خبول امنجسي
النبهاهـه للذكـي والبـلاده للبلـيـد=وانت اظنك غادين بالمجال الهندسـي