ياسلامي على اللي يطلب الجوال = ا لعب اليوم ثم اعطيك جوالي
الاوادم لك الله كل يوم ابحال = وانت تبحث علينا بعض الاحوالي

مرحبا ياهلا ترحيب عال العال=لوٌ ما نعرفك ياطيب الفالي
ماندور ورى بعض العرب مثقال=كل رجال له موقع ومنزالي

مابغينا على الملعوب ربع اريال = بس نبغى الوناسه بس يالغالي
انت سقها وهت العلم يارجال = كن صاهود يبغى بشت وعقالي

ما نرهبن ولا نسرق ولا نحتال=مثل بعض العرب ياساتر الحالي
يوم صارت كما السلعه مع الدلال=كل شي بثمن وريال بريالي

ليت من ينصب الميزان والمكيال = كان تلقى الاوادم حالها حالي
يركب الثور ثم يقول انا جمال = والمصيبه بعد نادوه جمالي

من يعيش الحياة يشاهد الأهوال=مانته اول ولا انته بالزمن تالي
يوم غنى الوسيمه راعي الموال=قالت الناس يامشينك موالي

ماعليٌه من العَمٌال والبطٌال=ادفع الرجل والتوفيق يبرالي
روح شف بالطعيميه لهم منزال=كل وقتٍ وله ميقاف وارجالي

وانت من اهل الخير اخوي صاهود

شكراً لتواجدك الكريم