لاغاب نجم الجدي يطلع سهيل ابسماه=اسهيل موجب حساب الوقت هذااشهره
الليله الملعبه بنتن يشوق حلاه=تنقض شعرها تهز النهد ومعطره

الجدي وسهيل بالمسرا هداة السراه=والحي مرزوق ولا الميت بالمقبره
ياذيب ياذيبنا اللي ما لحقنا مداه=امفتل العضد والذرعان من يقدره

مايظهر الدلو من جماتها الا رشاه= والهندسه فن بالفرجار والمسطره
عزالله انه شهاده منك حلون نباه=لوالجمل مابعد للحمل شد اظهره

الى متى ننتظر وجه الزمان وقفاه= ما باقيٍ بالزمان الشين غير اقشره
ان كان مالله هدى المسلم فلا احدٍ هداه=تعٌبت رجلي بكثر المشي والمشوره

الظاهر انك ولدت اولا حبيت بثراه=مصير الايام نجمن بالسما تظهره
مالله مخيب تعب رجلن نصاه ورجاه=وانا افتكر بالنبي ايوب يامصبره

البير نعرفه يالصاحب ونعرف غطاه= ياقافل الباب بالمزلاج والسكره
واضن راع العباه اقفى بليا عباه=فالنزع الأخير مدري فآخر الغرغره

اسمعت حيً ليا ناديت ماقال هاه=ومابين قوسين باق البيت ومشفره
خل الفلاحه بقاعً ماينومسك ماه=ماهوب موفيك يارجال غير اغبره

والله لصير في حلقك سواة الشراه=مانيب عظمٍ هزيلٍ في يدك تكسره
انا ليا شبت الهيجاء ودارت رحاه=أرسي ولا هسترتبي شلة الهستره

من يتبع المخطيه مالله محقق مناه=ولالي من الهرجه اللي ماتجيب اثمره
ماحدن معذربك مير الوقت يفتل رشاه=ياقرب باكر لرجالن يبي ينظره

ماغير لله تسجد فوق الأرض الجباه=مالي ومال الهروج وكثرة الدندره
موسى نبيٍ وتبطل كل سحرٍ عصاه=ما يخذل الله من بَنْصِرهْ بل ينصره

وش حظك امن الكتاب اللي بعيد صداه= اللي به التقنيه بالحيل متطوره
هذاك موسى النبي مانتب على مستواه=حاول لو ان الجمل ماظنتي تنحره

ياذيب مانيب انا ورعٍ بسن السفاه=كبرت عن لعبة الجهٌال والمبزره
خليتها للضعوف اللي تسحب خطاه=اللي كما الحمر ون فرٌت من القسوره

مع الجماعه ياليتك ماتخل الصلاه=والاجر مع الجماعه والاله اشكره
البنت عن راعي الفزعات ماله غناه=من دونها من تراخى جعل ياتي اخبره

انا ادري الله من فوق الجماعه يداه=علٌم بها اللي يهز الراس ويدهدره
والبنت في سترنا كان الكلام انحماه=وحبالها في يد ابن العم ومحجره

انا معك لو تبي نمسح جبال السراه= ترا الحميه بدمي مااقبل المسخره
ماقلته الا مجرد نلفت الانتباه=والنعم بك وابن عمك كلكم مفخره