ماشوف إسمكم ياروح روح التميمي ليه=عسى ما حصل تغيير في بعض الاحوالي
افك الجهاز ادور اسمك وردٌ أطفيه=لو المنتدى مليان من دونكم خالي

معه حجته من راح والوقت فيه وفيه=ولانفقد الا الصاحب الطيب الغالي
علامك نقصت الكيل والوزن ماتوفيه=الى غاب نجمن يبدي انجوم وهلالي

نديمٍ ويغليني وانا بالزمان اغليه=وله في صميم القلب مرتع ومنزالي
ننشدك عن سر الليالي ولا تبديه=تحسب اننا ما نعرف المر والحالي

عسا الله مايفرق مابين الاخو واخيه=وتبقى المحبه بينكم جيل واجيالي
علامك حرفت القاف والعلم ماتبديه=ابادمح خطاك ابحال ياطيب الفالي

وش اللي تقول اليوم ياذيب وش تطريه=هذاك العور يبقى لمى يذن التالي
ومن لا يعرف الصقر ياذيبنا يشويه=تلوم وعليك اللوم وارجع للامثال

طريق لك الله ماعرفناه مانمشيه=بعد حال دون الظلع عجات وخيالي
ترا مانت لاقي بالجمل علةً توذيه= ولكن ودك بالرجاجيل تحتالي

ياكثر العباد التايهه وسط واد التيه=لهم كم عامٍ فيه والسيل ما سالي
ياذيبٍ تجر الصوت والخير ما تحريه=بعظمك غرسنا الناب والدم شلاالي

بعد مابنو لك مجلس اللعب والترفيه=تبي تسرج المهره على العم والخالي
يجر العوا سرحان لكن ماتوحيه=متى نابتً لك ناب وملبًس الشالي

ياعلمٍ بصدري لوٌ اقوله يابو كرنيه=لتفغر فويهك بين الأقفاء والأقبالي
لكني ولد رجلٍ على المرجله رابيه=ولاني على غرٌات الأجواد ختٌالي

ياعلم بصدري لو اقوله نبي ننهيه= ولكن اجامل من بناخيه عقالي
اجل وش تسمي ماتسويه وتسويه=ولوقضبوك اخطامها طقت الجالي

قريب الحضايا وش يزعله وش يرضيه=ماني للدبر تحت الوبر فالزمن طالي
ما جالك متينه فالبدايات والتنبيه=وهداج تيماء يزعج الجم زلاالي

ليا صار دمه من دمي مانويت اشقيه=لوان الولد ماجاء معي شرب فنجالي
متينك نرده في فمك لو ماقلت ايه=وازيدك بعدمن خلف وتصير رجالي

علامه ترادا الوضع يالله لا ترديه=تضيع المعرفه بين كِفٌهْ ومثقالي
ضربنا مثل واللي عنيتوه ما نعنيه=وبعض الحمول اثقال ماهيب تنشالي

رماني بعوجا صاحبي مير وش يبكيه= عطيتك على ماكلت واوفيت مكيالي
كلامك على غيري اذا ودك اتمشيه=عسا والديك ابجنة الخلد نزالي