قصيدة في رثاءعبدالله عبدالعزيز العليوي
 

ماعابني دمعي على الخـد لو جبت
عليـك دمـع وسم بخدي أحدود

ياللي عليك الدمع لو فاض ماعبت
عيـني ولكـن الصـبر طبع محمود

الموت مـاغيبك عنا ولـو غبـت
ذكرك على صفحات الابداع موجود

أرجي عسى ربي كثـر مـاتعذبت
يرحمـك بالجنـة عن ايـامك السود

مـاطابت الدنيا بعينـك ولا طبت
مايوم في ساعـة فرح كنت محسـود

اول حياتـك في همومـك تغربت
واخـر حيـاتك مـابقى للعنـا زود

دنيا الشقا ودعتـها مـاتطـربت
منهـا بغير الهـم والحـزن مـردود

صديت عن قاصي وداني وجنبـت
وقتـك معزة مـاهو برغبـة صدود

وتركـت هالدنيا لغيرك وغـربت
مـالك محـاسيفٍ ولا شـئ مفقود

عسى العوض ياللي من الهم شيبت
في جنـة الرحمـن وبظـل ممـدود



محبكم ابوسحر

مشكور وماقصرت اخوي ابو سحر

السلام عليكم ..

ابو سحر

هلا بك .. والله يرحمك يا عبدالله العليوي ... وما قصرت يا ابو عبدالله راعي واجب .

تسلم يا الغالي

تحياااتي

الله يعطيك العافية أخوي ابوسحر على هالقصائد الرائعة للشاعر الرائع سليمان السلامة

والله يرحم الشاعر عبد الله العليوي ويسكنه الجنة

الله يعطيك العافيه ...

السلام عليكم,,,

الله يرحم العليوي ويسكنه الجنه,,

وشكرا يا ابوسحر على القصيده وما قصر الشاعر والعليوي يستاهل اكثر من قصيده ..

الله يرحمه ويغفر له...

بدر..

رحم الله الشاعر عبدالله العليوي رحمة واسعه ""
°ˆ~*¤®§(*§*)§®¤*~مشكوووووور وماقصرت يابو سحر °ˆ~*¤®§(*§*)§®¤*~

وهذا ماتعودناه من الشاعـــر سليمان السلامة

كل الشكر لكم اعزائي على مروركم



رحمة الله ابو عبد العزيز



















محبكم
ابوسحر