البارحة ماغمض الطرف بنعاس =ولافاض من نجم عيوني تخيله

لاباس ياعيني على السهر لاباس =على وليفٍ فات ماألقى مثيلــــه

فيما مضى ياخذ جوابي من الراس =واليوم لاعاني وانا ماأعنيلــــــه

العشرة اللي ماتوثق على ســــــاس =تطيح لوصارت حصونه طويله

ياونتي منها المعاليق يبــــــــــــاس =صبري قضى ماباقي الا قليلـــــــه

صبرت صبرٍ صابني منه وسواس =صبرٍ له النفس العزيزة ذليلة

على وليفٍ حال من دونـــــــــــه الياس=والياس طبٍ للقلوب العليلـــــه

من يتبع المقفي مرده للإفــلاس =مثل الذي بالقيظ يدفق صميلـــــــــه

الصاحب الغالي نحطّه على الــراس =واللي يودك لاتدور بديلــــــــــــــه

وصلاة ربي عد ماهب نسنـــــــــاس =على نبيٍ وضح الله دليلـــــــــــــه