أبا أبين لكم ياللي عن أحوالي تسالون= سريت مع الليالي لين بدت وبيّدني
أصيد اليا قنصت وناس واجد ما يصيدون= وأجنب عن طواريق السباع ولا يجني
وأخلي المسبعه مجنب لو أعطى مال قارون= أخاف من الافاعي في طرفها يعطبني
ترى لليل ياراع الولع رصّاد وعيون= وغبّات الليالي بغيبهن ما خبرني
شريت وبعت يوم ان الشرا والبيع مضمون= هاك الحين البضايع كلهن يكسبني
يسمى دور محسن والدجيما وابن لعبون= أمكنت أتلاه والا أوله قد زل عني
بغيبة منك ياجيل الحسد واللي ينمون= يجيك بثوب مسلم مير قلبه قلب جني
معه مسواك طوع و غاسل ثوبه بصابون= يباريني صديق و حين يقفاني طعني
يصاحبني وهو من صحبتي ما هوب مامون= متى ما شاف رجلي في شفا الحفره دفني
يجر لسانك الصامت و يظهر منه المكنون= ويلبسك الثياب وقال رد العلم عني