حيا الله اللي يغيـب ويسـرع الـردّه=اللي يجيني اليـا منـه تباطانـي
قلـبي يـوده وحالـي كنهـا القـدّه=ودي بشوفه ودونه حوم عقبانـي
ياصاحبي جارك الله ويـش هالصـدّه=ماهوب حقٍ تولعني وتنسانـي
ان كان عندك هرج بي خامل السـده=فانت المصدق ونا حقي وما جاني
أهرج على ما تورّى والبخـت بـده=لا تستحي يا بعد حيـي وحيانـي
ترى حلاة الهـوى لاطالـت المـده=ماهوب يومٍ صديق ويوم قوماني
وإن كان ما أنته مصافيني على الشده=وقت الرخا واجدٍ ربعي وخلاني