البارحـة ليـلـي هواجـيـس وهـمـوم=النـاس نامـت بـس أنـا منـك مانمـت
ليلـي قضيتـه بيـن سـجّـات وحـلـوم=حتى وأنـا صاحـي مـن الهـم حلّمـت!
ملـزوم لـو صرّحـت : مانيـب ملـزوم=أنـت بحنانـك يـا أريـش العيـن لزّمـت
وأنـت متـردّد بيـن غامـض ومفـهـوم=أعـزم وترخـي وإن تراخيـت عـزّمـت
مجـهـول مــراتٍ ومــرات معـلـوم=أقـوم وتقعـد وإن تقاعـدت لـك قـمـت
أجيـك مشتـاقٍ ويقفـي بــك الــزوم=أصوم وتفطر لي وإلى أفطرت لـك صمـت
الشـك يلعـب بـك مثـل لعبـة الــدوم=لا سمت .. لا بايعت .. لا جيت .. لا شِمت !
ودّك تقـول .. وخايـفٍ تكسـب الـلـوم=لانتـب سكتـت ولا بهـمّـك تكلـمـت !
أسقيتنـي كـاسٍ مـن الـهـم مسـمـوم=مـن جـور تلميحـك وشكّـك تسمّـمـت
تريدنـي معصـوم؟ مانـيـب معـصـوم=أكـذب عليـك إن شفتنـي لـك تعاصمـت
لا يـا حبيـب الـروح .. لا تبعـد الحـوم=في غير جـوّك مـا خبـر يـوم حوّمـت
أنت القمـر والبيـض مـن حولـك نجـوم=وأنت الوحيد اللـي لـه الـروح سلّمـت !

المشاركة الأصلية كتبت بواسطة طارق الله عليك ياملا العافيه ياروح التميمي على هالروائع ... تسلم وماقصرت

المشاركة الأصلية كتبت بواسطة عطاشا وانا اقرأ هذه القصيدة الجميلة طرت علي قصيدة محمد العبيدالله خذ من سهر عيني وعطني من النوم 000 خلك تذوق وتطعم النوم عيني حتى انه حصل توارد خواطر بينك وبينه في شطر من القصيدة ليلـي قضيتـه بيـن سـجّـات وحـلـوم رائع يا أديبنا بروعة كل حرف تخطه انا ملك ( ياشين الفلسفة ) صح لسانك