عُمْر البكَا ماعَـدِّه القلـب عـاده=للـديــن والـدنــيــا لــيــــال مـقـابـــيـــــل
كِــنَّ الـزمــان امْبَــيِّنٍ لـي حيـَاده=مـاشَدِّنــي عَــدْله ولا صــابــنـي ميــل
وانــا يـِـقِـيـنـي فـيـه كـل الافَـــاده=في حكمة الخالق مواقف وتفصيل
والــرُّوح لــه يــومٍ مْــوَقَّــت مــعَـــاده=مــاتــجـلبــه حِيـلــه ولا يِــبْـعــده حــيــل
مــن جــاه يــومــه مــايــردِّه عْــنَــاده=ولا يـزيــده بــالــعـمــل حُــبّ تــأجـيــــل
المــوت بــالـدنـيـــا يـتـَـابـع حـصــاده=والمــومـن الـواثــق خــتَــامــه بــتــهـليـــل
يـاكُـثـْـر مـايَــسْطي بــلَيـَّـا هــواده=لـكِـن مـاكــلٍّ تِـكَـدَّر لــه الجـيـــل
نِبـْدِي على بعـض المواقـف جلاده=الا عـلــى صــافي خيـَـار الـرجـاجيـــل
مِن مثل عَلْيَ الزامل اهْل السِّيَاده=بـالــعـلــم يـستـاهـل زعـامـه وتفضيـل
فقده كسَا نجد ابْغَشاوة حدَاده=خـلاَّ كبـُود اهـل الـجـزيره مغاليــل
والـراي ضَـيَّــع عــدِّتِــه مـع عـتــاده=تــاهـت عــنيـزه في حـقيقــه وتخييــل
ابـو مـحــمــد مـايــبـي لـه شــهــــاده=مـاحـصَّــل الـشِّيخـه بْـزَفَّـه وتـطبـيــل
بـيـنـه وبــين الله وثـيــق اعْــتِــقـــاده=له من كتـاب الله مجالس تـعاليــل
عــن مـدِّعِــين العلــم يِـرْفَــع زِيَــاده=من منـة الرحمن بــالـوزن والكيـل
مـن بــذل علمــه طَوِّقتـه السَّعــاده=وَلَّــف قــلُـــوبٍ نَــفَّــرتــهـــا الاقَــاويـــل
مــاكِــنـِّـه الا فـــاتــحٍ لــه عـــيَـــاده=للفـكــر ميزانٍ عن الجور والضيل
يشهد له المعهد بلطف اوركــاده=في روضـة التـفسيــر يُوضي قناديـل
لــه بــاللغــه شــانٍ يــزيـد اعتمــاده=والشَّرع له بِمْنَـاسـب العصـر تعليــل
حَيَّ المطــار امْـسَـجِّــــلٍ لــه ريـــاده=في حلقــة المسجد مسايـل وتأصيــل
الحـزن مــن فـقـده خذَلْنا جْهَــاده=ماعَــوَّضِ غْـيَابـه هَـلَ القـال والقيـل
اللـــــــه يـــوَافِــيــنــــا بــــقُــــوَّ الاراده=عقبـه ويَـفْـرِش لـه وسيــع المداهـيــل
يَسْمَح حسَابـه من سمـاح انْقِيـاده=اجــر الـيـقــين اودَمْـعَــةٍ تـَـاليَ اللـيــل
في جـنــةٍ يَـرْضَى ويكمــل مــراده=مـاحـَاطَهــا وصــفٍ ولا رَاي تـمـثيــل
صــلاة ربي مــع ســلامــه عـبَــــاده=على نِـبِـيٍّ مــابــدِيــــنــــه مــداخــيـــــل