هلا ماهل وبلٍ من غمامه=وماغنٌت على غصنٍ حمامه
بصوت اللي سمع صوتي وهلاَّ=حبيبٍ عاش في روحي غرامه
ثمان اسنين بك عيني شقيه=امنيّها بشوفك يالبهيّه
عسى الدنيا تجي يومٍ فضيّه=عقب طول التحرّي والندامه
بحبك يوم انا ربي بلاني=ابي منك التلطّف والحناني
ترى لو حيت هرجك باللساني =على قلبي غدا برد وسلامه
محبٍّ والمحب الله يشوفه =رقيق القلب له روحٍ عطوفه
يبي ياخذ ويعطي بالمروفه=حنان اللي يبي غاية مرامه
عسى اللي بان لي منك البدايه=يصير الطُول هجرانك نهايه
بشوفي لك يقود الله رجايه=ولايبقى لهجرانك علامه