الا ياليل ياليل الشتاء ماطولك يامبطاك = على اللي عيونه ما تبا النوم من تالي
متى تنجلي ياليل والصبح فيه افلاك = ابرمي السبب وارجي السعاده من الوالي
تغليت ياغالي وسيرة غلاك اغلاك = على ما مضى تستاهل اغليك ياغالي
انا اغليك ياللي سيرة الحب ما تخفاك = تعرف الهوى واتميّز المرّ والحالي
انا اغليك ياللي ما تعشقت ذاك وذاك = ولا صار لك بين العرب رد وإبدالي
انا اغليك ياللي كل ماهب لي طرياك = لو انك بعيد الدار دايم على بالي
اجاهد هوى نفسي على رغبتك ومناك = ولااطيع بك واشي ولاهرج عذالي
عسى ربما يامن صنعك الولي وانشاك = تميز على شقح البني باربع اشكالي
تميز بعين وعنق ومبيسم فتاك = وعود يميل مع الهوى حيث ما مالي
حبيب لبيب لعن ابو خاطر ينساك = لو انك تغلى والغلى سامر حالي
حرام الهوى ماتبع طريق الهوى لولاك = ولاالفت نظر عيني على كل الازوالي
دخيلك ابجاه اللي على رغبته سواك = لما ادعاك مثل سهيل بالماكر العالي
على قيس ما كلفتني تشملن حسناك = وانا سامح يازين باللي تورالي