من شان عينك يهل الدمع من عينـي = يا كثـر دمـعٍ علـى فرقـاك هلّيتـه

مالي حبيـبٍ علـى الغايـة يسلينـي = إلا أنت ياللي ملكت القلـب وأشقيتـه

ولعتني بالهوى مـن شـان تشقينـي = ياما و يامـا مـن الغربـال عانيتـه

حبك جرحني عسى ربـي يشافينـي = غيرك من البيض و اللّه مـا تمنيتـه

مسكين راع الهوى و الحب مسكينـي = يبـي المروفـه و لكنـك تحديـتـه

الحب حاديني لك و أنـت متحدينـي = و أمسيت سهران لين الليـل سرّيتـه

كم لي و أنا أرجيك يا شمس المزاييني = اللّـه يحقـق رجـا وصـلٍ ترجّيتـه