من نصائح الشاعر ابو ماجد ( رحمه الله ) لإبنه ماجد ..هذه القصيده اللي صاغها على طريقته بسهولة اللفظ وجزالة المعنى :-

اسمع يا ماجد يا ولدي = ما ودي تغر وعدي
لا قلت لك ايت اقض اللازم = تجي من ملعبك تعدي
والى جيت ورحت وجيت = رح زمر كنك بستدي
في فرغاتك والا المكتب = على التلميذ ابدا بدي
والخميس ويوم الجمعه = يزنك لعب وطردي
فيهن تبي تشرح ثوبك = والطاقيه منك تغدي
تظهر كنك ولد الكعكي = وتدخل كنك ولد اقعدي
وانا ما عمري هاوشتك = ولا طخطختك في يدي
ان اقبلت اضحك في وجهك = وان اقفيت اقول بعدي
حيث ان الوالد كد طقن = طق عن حيلي وجهدي
عنده محجان للقربة = ووزان المحجان اوتدي
يعلقني مثل العكه = ولا ادري وشلون اغدي
يطقن طق ما طيقه = طق يقطع قلب اجلدي
اصيح امن اول باكوره = ويخلب برقي ورعدي
تجي الخاله تـِتفزع لي = وتعود من قولت ددي
لو ان امي عندي حيه = ما طاحن ابيارق سعدي
وهو طقه حب ظاهر = يحسب ان الطق يهدي
والطق يوحش وينحش = خليته وارخصت ابلدي
طيرت بجنحان الغربه = مثل اللي بالرمي امحدي
كثر الامراض اصل الحكمه = علم ما سواه اربدي
وذا من حظك يا ماجد = والا ابيك حظه ردي