سلامي سلام المهاوي , بردية مستقيمه = انا خاطري له نحيه , مع اللي يبا اللعب مني
تشوّف ذلول اللحاوي , كما انه تذب الخريمه = ترانا عقب هالعشيه , نبي نبحث المستكني

هلا من ضمير هواوي , هواوي هبوبه مسيمه = هوي يدور هويه , ابقلط واسولف واغني
الى قلت لك يالفراوي , حدرنا شعيب الكظيمه = عصاتك تسوق المطيه , عسى ظنكم مثل ظني

انا البارحه بت طاوي , ولا رحت يم العزيمه = وعندي خبر بالقضيه , عن اللي حكم غيب عني
ولا ادري بالامر السماوي , دهوني بهاك الجريمه = الا يا مكاف البليه , ظنون الدهر يخلفني

تطلع سواة النداوي , لعلك تصيد الجسيمه = انا احسبك عن دريّه , ولا تنسب العلم عني
كفى يا مكاف البلاوي , تغر الطريق البهيمه = انا العصر والشمس حيه , عن البير جذيت شني

ماهوب الخبر بالحراوي , مقطّب على الجو غيمه = على الناس دنيا فضيه , وانا هالسبب ممتحني
انا اوجس بقلبي مهاوي , ذكرت الجبل مع رحيمه = تهللت شهر الضحيه , لا شك الوعود اخلفني

بعيد البلاد النحاوي , ترتّع بعشب الوسيمه = تعشّق لعود بفيه , طرا له زمانه وحني
تعشق طريق الرواوي , بكى من تشكى الهضيمه = مع العبد عشرين نيه , عسى كلهن يفلسني

لو ان الطريق متساوي , تتبعت درب الهزيمه = ماهيب العلوم ابرحيه , تفنن على كل فني
متى ما اخلفن الهقاوي , تصير الدعاوي عظيمه = لو ان السوالف شويه , الى رددن يكثرني

عن الدرب مانيب غاوي , اعرف العيون اليتيمه = جوادك عليهم جريه , تزور الفريق وتثني
تحاول محل الحساوي , على العد تسكن بخيمه = عسى يالعيون الشقيه = على شوفهم ترجهني

مقفي وقلبه شقاوي , ونيتك ما هي سليمه = وذمتك ما هي بريه , عسى غرستك ترجحني
الى جاسنا الليل ضاوي , يسبر غريم لغريمه = الى رحت للجودريه , فلا انتب على حل مني

زمان الشره والبراوي , قضبت الفرس بالشكيمه = بعد كثروا رد الركيه , عساها لرمح المطني
عن اللي تبي مانت قاوي , ذلولك عليهم هميمه = لذيذ شراب النسيه , عن القايله تستكني

بعد كشّفن الغطاوي , على البير حفار سيمه = برد ماك والنار حيه , سرا الليل يا هدلدني
ابا لزها للقصاوي , انا سهر والناس نيمه = عساها تعود فضيه , على اللي جداه التمني