من صفحة الماضي طويت المعاناة=وبصفحة الحاضر كتبت السعاده
لقيت لي ربع يردون الأصوات=ولهم على درب الشكالة جلاده
قلوبهم من سوّ الاريا نظيفات=وباخلاقهم نالوا وسام الرياده
واخلاف هذا يانديم الشكيّات=أبرسلك وأرجوك رد الإفاده
سلّم على الحساس واقر التحيات=اللي بنى بالمجد قصرٍ وشاده
رجل العلوم الوافية والمهمات=الشاعر اللي يستحق الإشاده
له في مجال الذوق صوله وجولات=ولفزعة الخلان سلّم قياده
أنا أشهد إنه عالي الصيت والذات=وما يلحقه بالوقت ضعف وبلاده
في مجلس القاضي نثر عذب الأبيات=هدّفْ على قلب الهواوي وصاده
قصايده فيها المعاني فريدات=تلمع على المجلس سواة القلاده
البيت عنده ما يبي له مصالات=لا صار نظم الغير مثل الولاده
وإلى طلبنا للتفوّق شهادات=تفوّق الحساس فوق الشهاده