قصيده إلقيت في عيد الفطر المبارك عام 27 /28 في مركز المللك فهد

الحضاري خلال الإحتفال بالعيد على شرف محافظ عنيزه


(( داري عنيزه ))

بالله بديـت القـاف مـن منبـع القـاف=و إختـرت منهـا كـل عـذبٍ وصافـي

وسطرتهـا مـا بـه تصنّـع ولا إكـلاف=ومـا هيـب عسـرة بالثمـر والقوافـي

مضمونهـا والـراس شالتـه الأكـتـاف=بالعيـد أهـنـي بالبـيـوت النضـافـي

تحـيـةٍ ومبـاركـه مـنـي إنـضـاف=وعيـدٍ مـبـارك بالسـعـد والعـوافـي

ومبـروك يـا دارٍ لهـا مجـد وأسـلاف=تاريخهـا مـا هـو علـى الكـل خافـي

داري عنيـزه كاملـة كـل الأوصــاف=ومن حقـي أفخـر مـا يجيـن إختلافـي

ولا أقول داري خوفـي الظلـم وإجحـاف=أخـاف أصيـر مجنّـب الحـق جـافـي

أقول أنا أمـي مـا بهـا شـك وخـلاف=ضمتنـي وغيـري علـى حضـن دافـي

إيـه إفرحـي يمـه رغـم كـل زهّـاف=فيـك المـعـزة والـشـرف والعفـافـي

وما زالوا رجالـك ذرى حمـر الأشعـاف=نهج السلـف مـا بـه نفـوسٍ ضعافـي

حرصٍ على النهضه على كـل الأطـراف=بـدار الشعـر والعـلـم دار السنـافـي

مجهودهـم للعيـن واضـح وينـشـاف=ثـوب الوفـا لبسـوه وافـي وضـافـي

وما هي غريبه لا رعى الـدار الأشـراف=يصبـح سحـاب الخيـر فيهـا متقافـي

اللي لهـم فـي صفحـة الجـود ميقـاف=مـن شـان لا ياطـا الغصـون الجفافـي

من عند (( أبو بندر )) بتوجيه و إشراف=(( فيصل )) أميـر المنطقـة دوم وافـي

أميرنـا مالـه عـن الطيـب مـحّـراف=سـاد القصيـم وجــاد دون إنحـرافـي

ومنساك يا رجـلٍ سعـى بالوفـا وطـاف=رجـل الشدايـد لا إنتحـى كـل هـافـي

نسل الحـرار الحـر مـا أقـول خطـاف=وعن خدمة المحتـاج مـا هـوب غافـي

وفي خدمـة الديـره وأهلهـا والأريـاف=واللـي حـوى التنظيـم حتـى الفيافـي

و إن قيل منهـو قلتهـا عنـد الأعـراف=محافـظ عنيـزة (( مساعـد )) وكافـي

اللـي يقابـل بالبشـر عـدة أصـنـاف=منـهـم قلـيـل العـلـم وإلا الثقـافـي

ومدحي ((لأبو فيصل)) ترى ما هو إسراف=يستاهـل البيـضـا وهــذا إعتـرافـي

قلتـه وأنـا مرمـاي فـي قـد الأهـداف=وإن كـان بـه زلـه بكـم كـم رافــي

ما يبدي الموضـوع مـن كـان خـوّاف=ولا قنص مـن خـاف مـذرى السوافـي

تمت على مـا قلـت مـن منبـع القـاف=وكل عـام والفيحـا بهـا الجـو صافـي