يا دار ما مرك من الناس مخلوق = شوفه شفاء روحي وهو شوف عيني
عليه قلبي كن ما فيه معلوق = يلعب بجوفي من يسار ويميني
عز الله انه عاقني بالهوى عوق = على شوفته ما مشى ولا خطوتيني
لا لـد لي عينه وإلى الموت بالموق = ما غير رمش العين بينه وبيني
يازين منتب في سواياك مسبوق = بالحال سويت العجب ياضنيني
لد ابحنان الخافق ٍ منك محروق = طال الرجاء به ما لقا له عويني
منك الجفاء يقضي على الحال برفوق = الحال تنقص والبلا ما يبيني
ليتك تروف ابخاطر ٍ ضامه الشوق = ما هوب دايم قاسي ٍ ما تليني
تبلى وتجرح والوفاء منك مفروق = وشلون تبرى عـلّـة المبتليني
ياليت للدنيا معي عنك منطوق = اشوف تـالي ولـعتي وش تجيني
ما هوب تاخذني وتقفي كما البوق = وابقى بهمي خاليات ٍ يديني