شعراء عنيزة - دنيا تدور أيام

دنيـا تـدور أيـام ذكـراه بهمـوم
ياما بلت قلـبٍ عـن الهـم سالـي

خبله مريح البال وأمضـاه بالنـوم
وأهل الهوى يشكون ضيم الليالـي

أصيح أنا يانـاس مظلـوم مظلـوم
وشلون نور العين يرضـى بدالـي

كاس الجفا يازيـن تـراه مسمـوم
وذبح البشر عنده أصبـح حلالـي

وإلى نهيت النفس القلـب ملـزوم
والنفس طوع القلب شرق وشمالي

مير الحظيظ اللي من الحب معصوم
يبـات كـل الليـل نومـه عدالـي

الشـآعـر: أحمـد الفهيـد[/color]