الا يا عيوني ساهره ما تريد النوم = ترا سهر عيني من بلا قلبي الشاقي
شقى القلب من زينٍ غريرٍ وهو شغموم = حليٍ زهى قده ولا ضمه لحافي
الا يا مليح الوسط يا ناصر المظلوم = ظلمتن بجاه الرب لا تهد مشرافي
جفيتن بلا سبه ولا جاك من علوم = ترا ما وضح عندك بعد عن انا خافي
الى قالوا الحساد انا عندكم مليوم = وانا صافيٍ لك مثل ما كنت لي صافي
الا يا نواة العين لا ترخصن بالسوم = ترا كل خافٍ تالي الوقت ينشافي
يابو قذلةٍ وان كدّها تنسي المهموم = اهمومه ولو يمشي زمانه وهوصافي
صغيرٍ على عذره ولا فطره بالصوم = تهيلك انهودٍ حدر جيدن لها ضافي
ترا الحب ما هو بيع يشرى بتال السوم = الى ما صفا قلبك لقلبي فيا كافي
انا ابعد عن الدرب الذي من وراه اللوم = وربي كفيلٍ شافي الخلق لي شافي
يغرك زمان ان الحديا تدير الحوم = وتنسى حرار اتصيد في نور كشافي