ياسلامي من هجوس حاليه ماهيب مره=الهجوس اللي تغني نوع مر ونوع حالي
بن حسن يلعب على الحبلين مايعرف مقره=نوب في صف البعيد ونوب في صف الموالي

مرحبا بالشاعر اللي مبطين ودي نمره=كان انا طاري على باله فهو طاري ببالي
صاحبك يدري عن الدنيا وبرده قبل حره= ان بغيته بالجنوب ولن بغيته بالشمالي

البقاء ياللي ترحب وان لبست الثوب زره=لا تحدث وانت حالق ذقن وثيابك طوالي
كان فيك ايمان تومن بالقدر خيره وشره=فرق في بيض الليال وفرق في سود الليالي

ياطويل العمر جر الصوت تالي الليل جره=مثل ماتلبس عقالك لابسن مثلك عقالي
والله انك ماتشكل عندنا مثقال ذره=عارفن درب الحرام وعارفن درب الحلالي

خابرين الدرب ماتدرج اخطانا في مغره=مايجر الصوت راسٍ من هموم الوقت خالي
وش حصل يوم اجتمعتوا يوم في فندق مسره=كم طرحتوا من جواب وكم طرحتوا من سوالي

كان في قلبك محنيه وفي قلبك مبره=مثل ماناخذ ريالك لازمن تاخذ ريالي
اجتمعنا لكن الرجال فر العلم فره=لو بعضهم من عمامي لو بعضهم من خوالي

انت تصرف من ذهب لكن لا ترجع تصره=ماعطيتك من حلال الناس صرفي من حلالي
من جرح عينه بكفه ماتذوق الناس حره=كان ماحليتها لا تشحن قلوب الرجالي

البنادم ياجماعة خير مانقدر نضره=صاحبن غالي علينا يوم بعض الناس غالي
النجوم اللي تشوفه ياصحيبي بالمجره=مانت حاسبها وربك عارفن كل الحوالي

ــــــــــــــــــــــــــــ* * *ــــــــــــــــــــــــــــ