من يوم مات الركن والراس والحيد = تبـط الليالـي ماتعقّـب بـدالـه
يبط الزمن ماجاب قـرم الاواليـد = يتعب ويتعـب مـع ليالـه ليالـه
هذاك هداج الضيـوف المواريـد = وهذاك والله فـي زمانـه لحالـه
ماشال ماله في بنـوك ومزاويـد = يكـرم وينفـق مايحسـب لمالـه
ياكثر ماحاشت يدينه مـن الجيـد = وياكثر ماحاشـت يديـه الرجالـه
مهما نقول الشعر يقصر ولايزيـد = يتعـب ولايرقـى راع الشكـالـه
العيد عقبه صار ماعاد هـو عيـد = والحزن يردم فوق راسـي خيالـه
عزاي في ممدوح وحـزام وعبيـد = وعزاي الاخر يوم اشاهـد عيالـه
وعزاي يوم انك توفيـت وشهيـد = في موقفً يظهر ويبـرز رجالـه
يـوم الموقـف للعيـال الصناديـد = ثبـتّ والموقـف يظلـل ظلالـه
فزعت ماهمّك رصاص وبواريـد = ووقفت قدم اهل الفتـن والظلالـه
وثنيت دون اهل الوطن فالمواعيـد = قول وفعل لاجا وعـدك ومجالـه
تبكـيـك ياعبـيّـد دلالً بغـاديـد = وتبكيك نارك والكـرم والجزالـه
ويبكيك قومك من شيوخ ومواليـد = حتى الوطن يبكيك يـوم البسالـه
ويبكيك شعرك والورق والقواصيد = ويبكيك مشعل في زمـان الزمالـه
هـذا مكانـك خالـيً كنّـه البيـد = عنـه اتصـدّدّ لويقولـون دالــه
اسمـع تراحيبـه لضيفـه تراديـد = ويلوح قدمي ضحكته فـي قبالـه
ويالله طلبتـك فالليـال السراميـد = إنـك توسـع قبـر راع الجمالـه
وتغفر له ذنوبـه وكـل المناقيـد = ويثبت جوابه يوم يعطـى سوالـه
ويسكن جنانك بين حـور وعناقيـد = مع المومنيـن بربهـم والرسالـه