هذا طاروق مع الشاعر عبدالله بن عبيد المطيري (العير) رحمه الله

العير ..

مرحبا ترحيبة تركض مع الطرقه جهدهـا=كنها شلفاء ذياب وكنها سيـف العواجـي
لو نعرف دواء العيون اللي مطاولها رمدها=كان بعنا مرجلتنا واشترينا الها العلاجـي

ابن حسن ..

البقاء بأصحابنا والسابقه تطلـع بيدهـا=ياولد مادري تميز بالقراح وبالهماجـي
الحبال اللي تعقد ياولد منهـو عقدهـا=لا تحسبون الحرار الناديه مثل الدجاجي

العير ..

ويش وقوع المزنه اللي برقها يسبق رعدها=تنسف الغدران منها مير ماتملأ المحاجـي
ماعقدها غير ناس يقف الله فـي نصدهـا=حلها عند الصحيب اللي معه نجمه وتاجي

ابن حسن ..

المزون اللي تقوله لو نزل فوقك بردها=كان تترك بلكم في البر وتخلي النعاجي
المواتر تختلف وأصحابنا كلن شهدهـا=موترن فيه البلوف وموترن فيه البواجي

العير ..

من يواعد له رجالٍ اخيار مايخلـف وعدهـا=وانت يا محمد فاجاك من الدهر عشرين فاجي
وانت بكرا لا تغايب عن هاذيك وعن ولدهـا=لين نفرق لمبة القنديل عن نـور السراجـي

ابن حسن ..

ماعلي اخلاف والدنيا سعدنا من سعدها=ياحليل اصحابنا ذاليل طلقين الحجاجـي
والعدود الناشفه مايرتوي رجلٍ وردهـا=خابرين يالمطيري ويش يجلب بالحراجي

العير ..

ماعليك اخلاف والايام تنعم فـي رغدهـا=ياعرب مافيه ضيقه غير يقفاها انفراجـي
والله انك ماتكذب وكل سلعـه مـن بلدهـا=والرسن في خشم ناجي كان صايبه الهياجي

ابن حسن ..

تشرب الماء مير كبدك شربة الماء مابردها=هب يا ذالعير تالي الليل خرب لي مزاجي
خلوا الأصنام ماتنفعـك يارجـل ٍ عبدهـا=ليت من يدخل يحسب قبل يدخل للخراجي