| فـهـ التميمي ـد |
2007 03:43 PM |
راسي من التفكير مغرم وملياني
اقتباس:
المشاركة الأصلية كتبت بواسطة KFAA
(المشاركة 529947)
هذه طاروق بين الشاعر محمد السناني والشاعر محمد ابن حسن في مدينة عنيزه .. لعب هذا الطاروق قبل اسبوعين تقريباً
السناني
سلامي وامسا الخير يالديره الحيه=شاهد لها التاريخ من ماض الازماني
فيها الثقافه والحصون الحضاريه=والدين فيها كامل الخمس الاركاني
ابن حسن
يامرحبا والله يبارك بهالجيه=ولاعليكم زود ياطير حوراني
لن قلت مأموره ولن قلت منهيه=الدين واحد كلنا ربع واخواني
السناني
سلمت ياللي لك معزه خصوصيه=واللي بقلبي غصب يبديبه لساني
باريس نجد من البلاد السعوديه=وانا قريت الاسم والاسم رناني
ابن حسن
يامحمد الدعو تراها عموميه=لا تذكر الاول وتغفل عن الثاني
ماجبت مماقلت خمسين بالميه=اذكر كلام فلاني وفلاني وفلاني
السناني
انته وانا مابيننا امور سريه=نمزح على المكشوف والهرج مجاني
التسميه لن كان ماهي حقيقيه=ابن حسن لجل ايش ضايق وزعلاني
ابن حسن
هالحين ابين لك سواليف مخفيه=واتعب على شانك وتتعب على شاني
والتسميه لو كان ماهي بمرضيه=نعوذ بالرحمن من كل شيطاني
السناني
سولف على وضح النقا واصلح النيه=راسي من التفكير مغرم وملياني
تقبلوا تحياتي[/align]
|
نقبلوا خالص التحيه
|