سلِّم عَلَيّ وْخِذْ مرَدَّ التِّحيِّه=ياللِّي مَعَ السُّوقَ التِّجاري تِمَشِّيت
تَمْشي على مَهْلِك ولا لِك نِحِيِّه=ليتك تَعَرْفَ اللي على البال ياليت
حُكْمَ القِدَرْ جابِك سِبَبْ للمِنِيِّه=لُوِ انِّيَ ادْرِي وِيَنَ ابَلْقاك ماجيت
يازين لاتَكْبَر علىَّ الخطِيِّه=شِفْني بْعِينِك واقفٍ ماتَعَدِّيت
فيكِ ابْتَليتُ وْمنك حالي رِدِيِّه=وِشْ ذنْبي ان وافَقْتْ ذوقي وحَبِّيت
الله عطاكِ مْنَ السِّهومَ الخَفِيِّه=لِينِ ابْتَليتَ القلب بَلْواك واقْفيت
تَفْضَحْ هوايِ ادْموع عينٍ شِقِيِّه=ياليت مِسْيارِك منَ البيت للبيت
خِذْني مِعِك عَقْلي ورحي هَدِيِّه=شِفْتك وْحَيَّرْني جمالك وغَنِّيت