زينه وهي زينه وهي باشـة الزين = طهر وبراءه مع حلى مع ليانه

من طيب ابوها تكتب أحلى عناوين = للحب واهل الحب ياليل دانـه

الحب صوت القلب وانتي تغنــين = دانه وساره مع عيوني جمانه

عيشي معي جرحٍ ذبحني من سنين = هذا مكان الجرح هذا مكــانه

فرقا ((أمل)) مع لوعه البعد البين = وقلبٍ بكى ياطفلتي من زمـانه

ياحلوتي يافرحه القلب والعــين = أمنتك الله واحفظي هالأمــانه

ان قيل زينه مابقى للبشر زين =طهر وبراءه مع حلى مع ليانه