أيّت غلا وأيت غرامٍ تقولـين ؟ = وأيّت وفا قولي وش الي عطيتي

أنا أنا وأنت بطيشك الا اللحـين= تدري .. لاماتدرين لامادريتـي

مع ذاك لك ليله ومع ذاك يومين = أنت على أحضان الخيانه ربيتي

من شان ذاتك كل شي تبيــعين = حتى الشرف بعتيه يوم أشتهيتي

واليوم جيتيني وقصدك تعيــدين = حبي وكل الي مضى لك نسـيتي

جيتي وبدموع التماسيح تبــكين= لا الحين من كاس الدجل مارويتي

إمنولٍ قدرك على الراس والعـين = واعطيك كل اللي تبين وبغــيتي

وآقول لك سمي وش اللي تمـنين = تدللّي يابعد حيي ومـــــيتي

أفرش لك الدنيا ورود وريــاحين = بس أشري لي بأصبعك لانويـتي

وأزعلت خلاني على شـان ترضين = وافرح الى منك عليّه رضــيتي

وأثرك بقلبي يالخبيثه تســــلين = يالعنبو حيّك كثر ماغويــــتي

يافاجره مالك ومال العفيفــــين = ياصايعه ياضايعه وش جنــيتي

هذي نهاية من عطى الحب وجهين = عفتك .. كرهتك وأنتي الي بديتي