لاقيل خــالد صاحت أمي تناديه = وأبكي وراها واشتكي لك وانــادي

أنتي امل قلبه ومره وحـــاليه = وانتي بياضه يوم وقته ســـوادي

كنـــتي غناته والسعاده لياليه = تتذكري وش قلتلك يامـــــرادي

عقـبك علي الوقت كثرت بلاويه = غـــادي وادور عن امل كان غادي

لكـــني احيابه واضمه واداريه = وغيري حصد زرعي وهو من حصادي

يـــمه دخيلك خلي القلب خليه= عنيد انا والي ذبحني عنــــــادي

خليـني ابقى مع غرامي وماضيه = خليني ابقى للعشاشيق شـــــادي

مــات الامل يالي تناديه وترجيه = خــــــالد وخالد مات الي تنادي