نح يالقميري على المرصوف = غينٍ عن الشمس مكتنه
يالورق صفن صف وصفوف = واصف وانوح معكنه
تنوح طربٍ وانا مشغوف = شواطن القلب شعلنه
تبونن اشهد على ماشوف = وبلغ المبتلى ظنه
لعل جو العلي لخسوف = عسى الصواعق يهدمنه
حفايره ينشفن نشوف = بالقيظ ما يرتوي شنه
وراه ما ظلل الغطروف = راعيه الاشواب يشونه
هنوف ما تنوصف بوصوف = وان قضت الراس وش كنه
منه مهاة تقود خشوف = على ثلاث تعدنه
رواعب يصفقن بكفوف = أنسنه الفرض والسنه
والا فـ ونة قليل الشوف = مد العصا صار به منه
او ونة اللي على الشاحوف = وازوار الامواج شالنه
او ونة اللي على الجلحوف = وخيل المعادي توطنه
والا فهي ونة المصروف = أسقنه السحر واغونه
ومن لامني في صخيف الجوف = جعل الهنادي تدالنه
يعصره البين عصر قروف = عن صبغ الاسلاب ينفنه
في ديرة بابها مسقوف = على نصارى وكرجنه