برقٍ شعق نوره شَرَقْ يسحر الخلق=اسفر وضاح ولاح من بين الآفاق
وانجال جلباب الدجى عنه واشرق=نوره غشى البلّور من نور الاشعاق
لا مشعل الدهليز لا موضي البرق=لا شمس لا بدرٍ طغى حسنه أنساق
لا حصّ ولا ياقوت لا جوهر طلق=لا در لا فيروز من علقه ماق
يخجل بخدٍّ فيه عمل اليدق دِقّ=زاهي على الأوجان به شيِّ ارناق
أضفى خداره عقب ما لي مشى دلق=كالبدر له نور ولو حال شبراق
له قلت يا مدمي الالحاظ ما حقّ=قتلي وانا لك يا اتلع الجيد مشتاق
إن كان هو حق فأبي تمشي الحق=لمن تعرض لك وجالك بتيفاق
فإن كان حكمك جنّب الحق للعقّ=فارحم ورف بامرٍ من الخمر ما فاق
يا من طغى بينه وبين القمر فرق=والشمس من نور اشرف الزين تشتاق
غروٍ بزينه ماحوى القاف له رنق=لا واللطيف إنه على حسنهن فاق
إلى اقبل يجرّ الدل بمجمّل العنق=بين الزمرد والجواهر له الحاق
يغدون طلاب الهوى عنه (تبرنق)=راع الهوى ما يرتجي منه الاعتاق
يحرق قلوب أهل الهوى خدّه العَرْق=مثل (الغرنقي) بالمناظَر له علاق
بشفاه شهدٍ شافي يشفي الحرق=لا خمر لا سلسال لا الريق ترياق
بالطرف صرف فيه سحر إلى حق=يفتن ويغري به هوى كل عشّاق
سلّ العزا والروح في سهمه الغمق=والساق ساقته المقادير وانساق
سِكَرْت ما اميز شمالٍ ولا شرق=قل ولّ قلبٍ بالهوى ساقه الساق
دشيت في بحر طغى بالهوى غرق=عمرت به ما اشوف مايٍ له اسواق
ولا بلي بلواي من جملة الخلق=أو عيق قلب مثل ما قلبي انعاق