يا حي من لازارني غير مره=قطفت نواره وحلوه ومره

أهلاً وسهلاً عدّ ما يرمع القلب=وإلا عدد ما جا على البال مره
( )
يا كيف انا يا ذكر هوى الترف واسلي=علي تغطرف بالطرب والهوس لي

يا عاذلي ما ظنتي بالهوى اسلي=إلى ذكرت فنون غيّه وطرّه
( )
لو ان قلبي من شخانيب سنجار=ذاب وتصدع له ولو يابس جار

دشيت في غبة بحرها بسنجار=خرامسٍ غرق الهوى هي مقره
( )


هايم ولا لي بالهوى من يساعد=خلٍ قوي الحيل زندٍ وساعد


يا شوق ساعف بالهوى لي وساعد=والله ما انسى من حسانيك ذره

( )
ساعف لخلٍ ما شكا الولف لحذاك=وغر المذابح طاعت الحكم لحذاك

اقبل من امرٍ عاف عمره إلى حذاك=روحي وقلبي كالقزازه تدره
( )
ابسط له النفس العزيزه وحيّه=وبادره عجلٍ دامت الروح حيّه

وايوم يا سطلان جيله وحيّه=حبّك عبل باله وحاله وضره
( )
يكفيه ومن سلسال الانياب مزه=عجّل ترى ماله مع المطل مزّه

من كوثرٍ من مبسمٍ يوم امزه=كالحص منضود على ثقب دره
( )
حتى الحيا بعروق الالباب ينساق=وبادره بالمعروف يا مدمج الساق
( )
فالبر ما ينفع إلى التفت الساق=كل يحمل أعمال خيره وشره