فزيت عن طيّب كرى النوم قازي=وعرضت نفسي بالهوى كل هماز
( )
تسعين لكٍّ دك بالقلب وازي=هجس وهاجوس بهن قلبي انماز
( )
والدمع له من فوق عيني تقازي=ينتل من عيني على جيبي اجواز
( )

شروى حقوق محلتمات العيازي=ركب الوعر واديه حاديه نزاز
( )
وقلبي كما الزيبق بجوف القزازي=يرتج من صرف النيا عقب ما راز
( )
شوقه وشاف الشوق والشوق قازي=بالبعد والا الصد ما عاد يعتاز
( )
طفل قطف نور البها لو يمازي=بالزين حور العين حسنه بهن هاز
( )
غضٍّ كما ريان غض الموازي=يغري بغيّه به نسيم الهوى هاز
( )


ردفين وقّاف الشرف كالنوازي=وساق كما البلّور طرّز به الماز
( )
بالعون يا سلطان غر الجوازي=رديت قلبي للهوى عقب ما جاز
( )
وافشيت سرٍ في لجى الروح لازي=وبيّنت قلبي من حرازه للابراز
( )
واليوم بان إلْيَ الجفا والتقازي=محنتني في صحصح البيد والزاز
( )
مطل وتوعيد بالابعاد هازي=والصد حده في كنين الحشا جاز
( )
عذلت قلبي لو تلزيت عازي=عيان واحيا ذكر الاحباب وامتاز
( )
ما الحب يمحاه العزا والتلازي=وانا ونفسي والهوى تقل حجّاز
( )
عرفت مالي عن وصاله مجازي=واعذرت بالنفس العزيزة لما جاز
( )
حاربت لذات الدهر تقل جازي=همٍّ لجى بالروح ما ظنّ ينراز
( )
والله لو مابي من الوجد يازي=على الجبال الراسخة هزّه الهاز
( )
ومزايم حمل الهوى لي موازي=ولا حمّل الله شايل الحمل عجاز
( )
يا سيدي لو قمت بالعزم عازي=فالنفس يهويها هواها لمن جاز