مانيب مانيب مسٌاح البشوت السود مانيب=رزقي على الله ما رزقي على مسح البشوتي

واللي يحاول على تركيع راسي مابعد جيب=والله ما وطيك يالراس الرفيعه لين اموتي

من خلقتي ما سجدت إلا لربي عالم الغيب=اللي خلقني وكرمني ومتمعني بقوتي

ماضعت بالضحكه الصفراء ولا صفر التراحيب=أقرا ما بين السطور ولا عليٌ حاجه تفوتي

واللي ما يفرق نباح الكلب عنده من عوا الذيب=حرام أضيٌع عليه الوقت لين إنبح صوتي

لو قالوا إن الذرى يذريك عن لفح اللواهيب=اقول بعض الكلام اخير لي منه السكوتي

ماشفت غير العناء من فتحتك ياصفحة الويب=واليوزر اللي على اللوحه ومعطيني ميوتي

لكن ياقلوب ياسود الدغايل والهناديب=اللي يزيد المرض فيها ليا سمعت بيوتي

موتي بغيضك ياجعلك فدوةٍ للراس ابو شيب=اي والله الا فداً له ياقليلين السموتي

ان كان ما اصخٌر القيفان وابتكر الأساليب=يحرم عليٌه ملاعب بالهوى بنت البنوتي

للعز للعز يابيت الشرف والمجد والطيب=واوهن بيوتٍ عرفها الوقت بيت العنكبوتي

هذا الكلام الصحيح وعذربوا ياهل العذاريب=الحنضله حنضله ما ينجنى منها فروتي

من خلقتي ما سجدت إلا لربي عالم الغيب=اللي خلقني وكرمني ومتمعني بقوتي

المشاركة الأصلية كتبت بواسطة العابر (المشاركة 49415) الله يعطيك العافيه يابو عزيز وحنا نفتخربك ورافع روسنا ولايهونون الشعراء الثانين ِِِ والله يوفقك

ويعافيك يابعدي

الفخر لي بتواجدك

اخوي : العابر

وتواجد الاخوه الكرام مثلك وشرواك

لا عدمتكم

المشاركة الأصلية كتبت بواسطة Almo0or3b (المشاركة 49417) حــمد البآدي تســلم يآشآعرنآ المميز.. يعطيـك العـآفيه على الأبيآت الجميله..

ومن قال يسلم

ويعافيك يا الغالي

لك الشكر الجزيل علي مداخلتك

الجميله ، لاهنت

المشاركة الأصلية كتبت بواسطة ابو سراج (المشاركة 49420) الله يعطيك الف عافيه يبو عبدالعزيز على الابيات الرااائعه وصح السانك

ويعافيك

يا : بو سراج

وصح بدنك يالغالي