هذا طاروق مع الشاعر المبدع محمد القويماني

ولد الخال

مرحبا حيا الله اللي حضر من كل صوب=عد ماهل المطر..عد ماهل المطر
ليلتن يازينها جمعت كل الشعوب=من بداوين وحضر .. من بداوين وحضر

القويماني

البقاء ياشاعرٍ من عنيزه ومحسوب=شاعرٍ عنده خبر .. شاعرٍ عنده خبر
ليلتن ياطيبها من شمال ومن جنوب=وجهها وجه خضر .. وجهها وجه خضر

ولد الخال

شد حيلك يامحمد على كل الدروب=والحذر ثم الحذر .. والحذر ثم الحذر
تسطع الشمس بسماها وتنحي للغروب=عقبها يطلع قمر .. عقبها يطلع قمر

القويماني

ياهبوب النود هبي علينا ياهبوب =ليلنا لعب وسهر .. ليلنا لعب وسهر
والله انا عارفين الصدوق امن الكذوب=يقطع ابليس العور .. يقطع ابليس العور

ولد الخال

النتيجه بينت به نجاح وبه رسوب=يابعدين النظر .. يابعدين النظر
تفتح ابواب المتوبه وعيا لا يتوب=والله ان هذا القهر .. والله ان هذا القهر

القويماني

النتيجه علمها عند علام الغيوب=ربنا رب البشر .. ربنا رب البشر
الحصان حصان ميدان والبقره حلوب=وين تجار البقر .. وين تجار البقر