قال الذي ينشر صحايف فواده=والخافي أكثر في بيانه إليا قال
يا سامع اسمع نشرتي بالإفاده=واسمع جواب اللي تهيّض بالأمثال
مالي على بعض الأوادم جلاده=فعّال بلسانه وهو ما له أفعال
الناس تدري عن محله وزاده=عند النشامى ما يجي ربع رجّال
الفعل يبا له بيان وشهاده=ومدّاح روحه ما يصدَّق إلى قال
هرجه على راسه وبال وقراده=مثل الوضيحي يوم خلوه خيّال
قام يتمنى لين غسّل جواده=وحرّم عليه الشيخ عن كل مشوال
الله يعين اللي له الطيب عاده=اللي لربعه بالدهر يبذل المال
من دون وجهه قومةٍ واجتهاده=يرمي الصحن للي يبا العيش وكّال
ماله بعد يمناه دايم نفاده=وناره سراجه بالخلا يشعل إشعال
وإلا الردي لو قال مثل العراده=شكله ولونه لا ذرى به ولا ظلال
الله يبعد ديرتي عن بلاده=وأنا دخيل الله عن قرب الأنذال