وهذه محاوره مع الشاعر شاكر البقمي

شاكر البقمي

في عنيزه ديار اهل الكرم والحميه=يا سلامي على الحضار قاصي وداني
ما رقينا الطويله بالعزوم الرديه=قوم وقف وهدف يامحمد وزاني

محمد بن حسن

في عنيزه نبي نثني عليك التحيه=مرحبا في رجال المعرفه والمعاني
انت من لابتن ماهي تحب الخطيه=يوم عشرك ياشاكر عودة لثماني

شاكر البقمي

انت اشوفك من المغرب موجه عليه=مير عوذ من الشيطان يالمودماني
مانبا نلحق الكيات كيه وكيه=ثم يضحك على مثلك فلان وفلاني

محمد بن حسن

ويش جابك بخط تمير عقب الحويه=والدقايق دقايق والثواني ثواني
ماعلينا نبي نجزيك سيه بسيه=والحساني نبي نجزيك مثله حساني

شاكر البقمي

انت منته بمثله ولا انتب حليه=تشعل النار فالعربان والعلم باني
الدروب معروفه مير هات الحبيه=قبل لا يشعل الدخان والجب خاني

محمد بن حسن

يوم جوع ضيوفه وانت ساس القضيه=لو درينا بعلمه ماتركنا المكاني
انتبه للوصات ولاتغر الوصيه=كان عينك تطالع في سهيل اليماني

شاكرالبقمي

المعزب تجمل وانت شعلتك حيه=ماتكب المشاكل ياسليط اللساني
من يذب الفيافي سكته جرهديه=وانا بغا ظلم والا يتجه لحليباني

محمد بن حسن

افزعوا يالبقوم وهاتوا هاذي وذيه=اسرع الهرش بالطاروق والا الحصاني
قامت الحرب والدنيا تراها فضيه=وانت مانتب ولد عتقان والا السناني

شاكر البقمي

باقي شوي واسدحك وسط الهبيه=بس انا مستحي من طيبين المجاني
انت روحتك روحه وانت جيتك جيه=بس اشوفك تميرض والمرض ما يباني

محمد بن حسن

يدفع امية ريال ويستلم خمسميه=الله انه يكافينا صروف الزماني