قصيدة ابومحمد في رثاء خادم الحرمين الشريفين
الملك فهد بن عبد العزيز*
رحمه الله

فجيعةٍ ياكبرها بالفجايع=ميرادها بالحزن والضيق والهم

جانا خبر له بالاذاعه طلايع=ندعي ونطلب ليت هالعلم ماتم

واثره بنشرات الفضاء الصبح ذايع=ادنى بلد واقصى بلد صابه الغم

عقب البيان اللى يثير الفزايع=والدمع كنه يدفعه وافر الجم

قالوا فهد سلٌم جميع الودايع=صبيحة الاثنين ودٌع وسلٌم

فهد له التاريخ بالفعل رايع=في مصلحتنا وفٌر الكيف والكم

من شد عن مبداه بالحق ضايع=ما يرحمه خاله ولا ينفعه عم

مرحوم ياراع الوفاء والفزايع=ياللي بجيرانه وبالشعب مهتم

في جنة الفردوس بين النوايع=مع النبي والأهل والشمل يلتم

التعزيه مرفوعةٍ بالضرايع=لاسرة فهد كله على العهد تنظم

اكبر عزانا فيك حفظ الودايع=عبد الله اللي عنده الرآي محكم

هو خادم البيتين بامر الشرايع=شرايع الأسلام تقرى وتفهم

ايضا ولي العهد بالطيب شايع=سلطان في خيره مع الناس يعلم

قالوا تبايع قلت انا اول مبايع= امبايعة جدي ورثته مع الدم

حنا توارثنا ثبات الطبايع= واليوم عبد الله ملكنا المعظم

العهد والاخلاص فينا زرايع=بالحق ما نصغي لمدحٍ ولا ذم