لاتاخذين بخاطـرك مـن قصيـدة=كتبتهـا بشعـور ولسـان غيـري
يفداك عذب الشعر يا أحلى نشيـده=وأحلى المعاني والحروف ونظيـري
ويفـداك قلـبٍ تسكنيـن بوريـده=وتدرين باللي فيه شـري وخيـري
ياحلوتـي ياللـي بدلالـك عنيـده=مهما زعلتـي دوم قلبـك كبيـري
تدللـي ياللـي بقلـبـي وحـيـده=عمري زهر وأرضاك شادي عبيري
ألا زعـلـك الله لـنـا لايعـيـده=ما أقدر عليه وما أتحمل يصيـري
هذا أعتذاري فـي قصيـده جديـده=أغسل بها كل الزعل فـي غديـري