هاضني هاجسي وأخفيت ما بي لين شب اللهيب بجاشي=
يا الله إنك تعين اللي بدا ضيم الليالي ينكّد عيشه=
عقب ما نيب سالي ذكّرن درب الهوى معرض القماشي=
وانتبه قلبي الماخوذ واخلف سيرته وابتدا تشويشه=
أشتكي ما حدٍ يرثي لحالي والشكيّة تضيع بلاشي=
ما حصل فود من شكوى الغرام ولا انتهى ضامري من طيشه=
خابر إني على دور السنة مجبور والله يعين الماشي=
دام حكم الهوى بأمر القدر في كل عام يدرّب جيشه=
ما أقدر أصبر عن المسيار وإلا طارد الغي ما يعتاشي=
كنّ قلبي من اللي به غريب وفي مهب الهبايب ريشه=